ދިވެހިރާއްޖޭގެ 58 ވަނަ މިނިވަން ދުވަހާއި ގުޅިގެން ހުޅުމާލޭގައި ބޭއްވުމަށް ހަމަޖެހިފައިވާ ހަވާ އެރުވުމުގެ ހަރަކާތް މިރޭ ބާއްވާ ގޮތަށް ހަމަޖެހިއްޖެއެވެ.
އެމްއެންޑީއެފްއިން ބުނީ، ހަވާއެރުވުން އޮންނާނީ މިރޭ 21:30 ހާއިރު ހުޅުމާލެ ސެންޓްރަލް ޕާކްގައި ކަމަށެވެ. އަދި މި ހަރަކާތް ކުރިއަށް ދާނީ ގާތްގަނޑަކަށް 8 މިނެޓެއްހާއިރު ކަމަށްވެސް އެ އިދާރާއިން މައުލޫމާތު ދެއެވެ.
ހަވާއެރުވުމުގެ މި ހަރަކާތް ކުރިން ކުރިއަށް ގެންދަން ނިންމީ ރޭގައެވެ. އެހެންނަމަވެސް މާލޭގައި ހޮޑާއި ބޭރަށް ހިންގުން އާދަޔާ ޚިލާފަށް ގިނަވެފައި ވުމުން ރޭގެ ހަރަކާތް ފަސް ކުރި ކަމަށް އިއްޔެ އެމްއެންޑީއެފްއިން ވަނީ މައުލޫމާތު ދީފަ އެވެ.
ހަވާއެރުވުމުގެ ހަރަކާތުގެ އިތުރުން، ހޮޑާއި ބޭރަށް ހިންގުން އިތުރު ވުމުގެ ސަބަބުން ރޭ ފަސް ކުރެވުނު "މިނިވަން އުފާ" ކާނިވާ ހުޅުވުންވެސް މިރޭ އޮންނާނެ ކަމަށް ހޯމް މިނިސްޓްރީން ވަނީ ބުނެފަ އެވެ.
އެގޮތުން، މި ކާނިވާ ހުޅުވުން އޮންނާނީ މިރޭ 08:00 ގައި ކަމަށާ ކާނިވާ އޮންނާނީ ހުޅުމާލެ ސެންޓްރަލް ޕާރކްގައި ކަމަށް އެ މިނިސްޓްރީން ބުނެއެވެ.
މިއާއެކު ފުޅަނދުތައް ދައްކާލުން މިއަދު ހަވީރު 4:30-6:00 އަށް ސެންޓްރަލް ޕާރކްގައި ކުރިއަށްދާނެ ކަމަށްވެސް ހޯމް މިނިސްޓްރީން މައުލޫމާތު ދެއެވެ.
Advertisement
This content is created and paid for by advertisers and does not involve Voice Journalists
