މިރޭ ހުޅުވުމަށް ހަމަޖެހިފައިވާ މިނިވަންއުފާ ކާނިވަލަށް، ބަލީގެ އެއްވެސް އަލާމާތެއް ހުރިނަމަ ޒިޔާރަތް ނުކުރުމަށް އަރބަންކޯއިން އިލްތިމާސް ކޮށްފިއެވެ.
މާލޭގައި ހޮޑާއި ބޭރަށް ހިންގުން އިތުރު ވެފައިވާ މިދަނޑިވަޅުގައި މިރޭ ކާނިވާ ހުޅުވަން ހަމަޖެހިފަވާއިރު، ބަލީގެ އެއްވެސް އަލާމާތެއް ހުރިނަމަ ކާނިވަލަށް ޒިޔާރަތް ނުކުރުމަށާއި، ކާނިވަލުގައި އުޅުއްވާއިރު ވީހާވެސް ގައިދުރުކަން ބެހެއްޓުމަށް އާބަންކޯއިން ވަނީ ނަސޭހަތްތެރިވެފައެވެ. މީގެ އިތުރުން ގިނަގިނައިން އަތް ދޮވުމަށް އަރބަންކޯއިން އިލްތިމާސް ކޮށްފައިވެއެވެ.
މިރޭ ކާނިވާ ހުޅުވިގެން ދާއިރު، 6 ދުވަހުގެ މުއްދަތަކަށް ހަރަކާތްތައް ކުރިއަށް ގެންދިއުމަށް ވަނީ ރޭވިފައި ވާކަމަށް އަރބަންކޯއިން ބުނެއެވެ.
މިރޭ ކާނިވާ ހުޅުވާ ގޮތަށް ހަމަޖެހިފައި މިވަނީ، މާލޭ ސަރަހައްދުގައި މިވަގުތު އިންތިހާއަށް އިތުރުވެފައިވާ ރޯގާ އާއި ގުޅިގެން ކާނިވާ ހުޅުވުން ފަސް ކުރުމަށްވެސް ފަހުގައެވެ. ކުރޮމް ކާނިވާ ހުޅުވަން އޮތީ ރޭގައެވެ. މި ކާނިވާ ހުޅުވައި ދެއްވާނީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ކަމަށް ހޯމް މިނިސްޓްރީން މައުލޫމާތު ދެއެވެ.
Advertisement
This content is created and paid for by advertisers and does not involve Voice Journalists
