ކުރިއަށް އޮތް ރިޔާސީ އިންތިޚާބުގައި ޕްރޮގްރެސިވް ކޮންގްރެސް ކޯލިޝަނުގައި ހިމެނޭ ޕީއެންސީން ވާދަކުރަން އެ ޕާޓީގެ މަޝްވަރާ މަޖިލީހުގެ އަގުލަބިއްޔަތުން ފާސްކޮށްފި އެވެ. 

ރިޔާސީ އިންތިޚާބުގައި ޕީއެންސީން ވާދަކުރުމާއި ގުޅޭގޮތުން މިއަދު ވަނީ އެ ޕާޓީގެ މަޝްވަރާ މަޖިލީހުގެ ބައްދަލުވުމެއް ބާއްވާފަ އެވެ. 

އިންތިޚާބުގައި ވާދަކުރަން ނިންމާފައި ވަނީ އެ ބައްދަލުވުމުގައި ބައިވެރިވި 47 މެމްބަރުންގެ ތެރެއިން 44 މެމްބަރުންގެ އަގުލަބިއްޔަތުން ނެވެ. 

Advertisement

އެހެން ނަމަވެސް އަދި އިންތިޚާބުގައި ޕީއެންސީގެ ފަރާތުން ވާދަކުރާނެ ކެންޑިޑޭޓެއް ކަނޑައަޅާފައެއް ނުވެއެވެ. 

މައުލޫމާތު ލިބޭ ގޮތުގައި ޕީއެންސީން ނެރޭ ކެންޑިޑޭޓަކު ހޮވުމަށް ބާއްވާ އިންތިހާބުގައި ވާދަ ކުރައްވަނީ މާލެ ސިޓީގެ މޭޔަރު އަދި ކުރީގެ ހައުސިން މިނިސްޓަރު ޑރ.މުހައްމަދު މުއިއްޒު، އަދި ރައްޔިތުންގެ މަޖިލީހުގެ މަޑުއްވަރި ދާއިރާގެ މެމްބަރު އާދަމް ޝަރީފް އުމަރެވެ.

ޕީއެންސީން ރިޔާސީ އިންތިޚާބުގައި ވަދަކުރަން ފާސްކޮށްފައިވަނީ ޕީޕީއެމްގެ ރިޔާސީ ކެނޑިޑޭޓު ރައީސް ޔާމީން އަބްދުލްގައްޔޫމުގެ ކެނޑިޑެސީ ފޯމު ބަލައިނުގަތުމަށް އީސީން ނިންމާފައިވާ ދަނޑިވަޅެއްގަ އެވެ. 

އެހެން ނަމަވެސް އެ މައްސަލަ މިހާރު ވަނީ ރައީސް ޔާމިނުގެ ފަރާތްޕުޅުން ސުޕްރިމް ކޯޓުގައި އިސްތިއުނާފުކޮށްފަ އެވެ. އަދި އެކަމާއި ގުޅޭގޮތުން މިއަދުގެ 3:00 ގެ ކުރިން އިލެކްޝަންސް ކޮމިޝަނުން ސުޕްރޮމް ކޯޓަށް ޖަވާބު ފޮނުވާނެކަމަށް އެ އިދާރާއިން ވަނީ ބުނެފަ އެވެ.