ހުކުރު ދުވަހަކީ އެންމެނަށްވެސް ޚާއްސަ މީރު ކާތަކެތި ތައްޔާރު ކުރާ ދުވަހެކެވެ. މިއަދު ވޮއިސްގެ ބަދިގެއިން މި ގެނެސްދެނީ މީރުކޮށް ޗިޕްސްމޯ ޕުޑިންގް ތައްޔާރު ކުރާނެ ގޮތެވެ. 

1 ޖޯޑު ވިޕްޑް ކްރީމް

1 ޖޯޑު ނެސްލޭ ކްރީމް

1 ދަޅު ގެރިކިރު

1/2 ޖޯޑު މެލްޓެޑް ކުކިންގ ޗޮކޮލެޓް ނުވަތަ 2 މޭޒުމަތީ ސަމްސާ ކޮކޯ ޕައުޑާ 

ޗިޕްސްމޯ ޕެކެޓް 

1) ހޭންޑް މިކްސަރުން ނުވަތަ އާދައިގެ މިކްސަރުން، ވިޕްޑް ކްރީމް ވިޕް ވަންދެން ގިރާލާށެވެ. އެއަށްފަހު އޭގެ ތެރެއަށް ނެސްލޭ ކްރީމް އަޅާލުމަށްފަހު އެއްކޮށްލާށެވެ. 

2) ދެން ދިޔާ ކޮށްފައި ހުރި ކުކިންގ ޗޮކޮލެޓާއި ގެރިކިރާ ވަކި ތަށްޓެއްގައި ރަނގަޅަށް އެކުލަވާލުމަށްފަހު އޭތި ވިޕްޑް ކްރީމް ތެރެއަށް އަޅާލާއި އެއްކޮށްލާށެވެ.

3) އެއަށްފަހު، ޓްރޭއެއްގައި ލޭޔާރސް ގޮތަށް ތަކެތި އަތުރާނީ އެވެ. އެންމެ ފުރަތަމަ މިކްސްޗަރ ލެޔާރ އެކެވެ. ދެން އޭގެ މަތީގައި ޗިޕްސްމޯ ބިސްކޯދުތައް އަތުރާލާށެވެ. އެގޮތަށް ލެޔާރސް ހަދަމުން ދާށެވެ. އެންމެ މަތީގައި ހަދާނީ މިކްސްޗަރ ލެޔާރ އެކެވެ. އަދި ނިންމާލަމުން ބިސްކޯދު ވަރަށް ހިމުންކޮށްފައި އޭގެ މައްޗަށް އަޅާލާށެވެ.

ސާވްކުރުމުގެ ކުރިން ފިނިކޮށްލާށެވެ.