ޕީއެންސީގެ ރިޔާސީ ކެންޑިޑޭޓް ޑރ މުޙައްމަދު މުޢިއްޒުގެ ކެންޑިޑެސީ ފޯމު އިލެކްޝަންސް ކޮމިޝަނަށް ހުށައަޅުއްވައިފިއެވެ.

މިއަދު ޑރ މުޢިއްޒު ކެންޑިޑެސީ ނަން ހުށައެޅުއްވުމަށް ޕީއެންސީގެ އިސް ލީޑަރުންނާއި ރަނިންގމޭޓު ފަރެސްމާތޮޑާ ދާއިރާގެ މެމްބަރު ހުސެއިން މުޙައްމަދު ލަތީފް (ސެމްބެ) ވަޑައިގަތެވެ.

ޕީއެންސީގެ ކެންޑިޑޭޓެއްގެ ގޮތުގައި މުޢިއްޒުގެ ނަން ހުށައެޅިއިރު ކުރިއަށް އޮތް ރިޔާސީ އިންތިޚާބު، ބޮއިކޮޓް ކުރުމަށް އިދިކޮޅު ޕީޕީއެމްގެ ލީޑަރ އަދި ކުރީގެ ރައީސް ޔާމީން ޢަބްދުލްޤައްޔޫމް އިދިކޮޅު ކޯލިޝަނަށް އަންގަވައި، އެކަން އެގޮތައް ނުކުރުމަށް ޕީޕީއެމް ޕީއެންސީގެ ގުޅިފައިވާ ސެނެޓުން ނިންމަވައިފައިވެއެވެ.

Advertisement

ކެންޑިޑެސީއަށް ނަން ހުށައެޅުމުގެ މުއްދަތު މިއަދު ހަމަވާއިރު މިހާތަނަށް ރިޔާސީ ރޭހަށް ނަން ހުށައެޅުއްވީ ފަސް ބޭފުޅެކެވެ.

އެއީ އެމްޑީޕީ ކޯލިޝަނުން ރައީސް އިބްރާހިމް މުޙައްމަދު ޞާލިޙް، އެމްއެންޕީ އިން މުޙައްމަދު ނާޒިމް، ޑިމޮކްރެޓްސް އިން އިލްޔާސް ލަބީބް، ޕީޕީއެމުން ރައީސް ޢަބްދުﷲ ޔާމިން ޢަބްދުލްޤައްޔޫމް އަދި ޕީއެންސީ އިން ޑރ މުޙައްމަދު މުޢިއްޒެވެ.