ކުރީގެ ރައީސް ޢަބްދުالله ޔާމިން ޢަބްދުލްޤައްޔޫމަކީ މުޅި ޤައުމުގެ މަސްލަހަތާއި ގުޅިފައިވާ ބޭފުޅެއްކަން ހުރިހާ ޕާޓީއެއްގެ ހުރިހާއެންމެންވެސް ޤަބޫލުކުރާ ކަމަށް ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ.
ޝިޔާމް މިހެން ވިދާޅުވީ ޕީޕީއެމް ޕީއެންސީ ކޯލިޝަނުން ރައީސް ޔާމިން މިނިވަންކުރުމަށް ގޮވާލައި ބޭއްވި އިހްތިޖާޖުގައި ވާހަކަ ދައްކަވަމުންނެވެ.
"ޤައުމީ މިހާ ބޮޑު ކަމެއްގައި، މުޅި ޤައުމުގެ މަސްލަޙަތު އެބޭފުޅަކާއި ގުޅިފައިހުރި ބޭފުޅެއް ރައީސް ޔާމީނަކީ މިއަދު، އެއީ އެއްވެސް ބޭފުޅަކު ސުވާލު އުފައްދާނެ ކަމެއްނޫން މިއަދަކު، އެމްޑީޕީ ބޭފުޅެއްވެސް ޕީޕީއެމް ބޭފުޅެއްވެސް ޕީއެންސީ ބޭފުޅެއްވެސް އަދި ކޮންމެ ޕާޓީއެއްގެ ބޭފުޅެއްވިޔަސް، މިއީ އެނެމެން އިއްތިފާޤްވާ ކަމެއް، ދިވެހި ރާއްޖެގަ އެއް ލީޑަރަކަށް އެއް ކެންޑިޑޭޓަކަށް އެންމެ ބޮޑު ތާއީދެއް ޔަޤީނުންވެސް އޮތީ ރައީސް ޔާމިނަށްކަން"
ނައިފަރު ދާއިރާގެ މެމްބަރު އަހްމަދު ޝިޔާމް
ޝިޔާމް ވިދާޅުވީ ބައެއްގެ ސިޔާސީ މަޤްސަދުތައް ހާސިލް ކޮށްދިނުމަށްޓަކައި، ސްޕްރީމް ކޯޓުގެ ފަނޑިޔާރުންގެ ބެންޗުން ރައީސް ޔާމިން ދިވެހި ޤައުމާއި ރައްޔިތުންނަށްޓަކައި ވަމުންދާ ޤުރުބާނީ ހަނދާން ނައްތާލައިފައިވާކަމަށެވެ. ޝިޔާމް ވިދާޅުވީ އެއީ މިޤައުމުން ޑިމޮކްރަސީގައި ފަހަތަށް އެޅި ފިޔަވަޅެއް ކަމަށެވެ.
ރައީސް ޔާމިން ހުންނެވި ހާލަތުގައި އެހެން ޤައުމުތަކުގައި ކަންކުރާ ގޮތް ރައީސް ޔާމިންގެ ވަކީލުން ވަރަށް ސާފުކޮށް ކިޔައިދެއްވި ކަމަށާއި، އަދި ސްޕްރީމް ކޯޓުގެ ފަނޑިޔާރުންގެ ބެންޗުގައި ތިއްބެވި ބޭފުޅުންނަށްވެސް މިއެޅުއްވޭ ފިޔަވަޅަކީ ޑިމޮކްރަސީގެ މަގުގައި ފަހަތަށް އެޅޭ ފިޔަވަޅެއްކަން އެނގިލައްވާނެ ކަމަށްވެސް ޝިޔާމް ވިދާޅުވިއެވެ.
"ޤާނޫނު އަސާސީގައި ލިބިފައިވާ ފަންޑަމެންޓަލް ހައްޤެއް އެއީ އިންތިޚާބުގައި ވާދަކުރުމަކީ، ރައީސް ޔާމިންގެ މައްޗަށް ކުރެވިފައިވާ ޙުކުމެއް އޮތްނަމަ އެއޮތީ އެމަނިކުފާނު އިސްތިއުނާފު ކުރައްވާފަ، އެއީ އަދި ނިހާއި ޙުކުމެއްވެސް ނޫން، އިސްތިއުނާފު ކުރައްވާފައި އޮތް ޙާލަތުގައި ދުނިޔޭގެ އެއްވެސް ޤައުމަކުން ވަކިން ޚާއްސަކޮށް މިޒަމާނުގެ ޑިމޮކްރަސީ އޮތް އެއްވެސް ޤައުމަކުން ޢަމަލުކުރާނެ ގޮތަކަށްނޫން އަޅުގަނޑުމެން ހީކުރި ޒަމާނީ ފަނޑިޔާރުން ޢަމަލު އެކުރެއްވީކީ"
އަހްމަދު ޝިޔާމް
އެކަމާއި ހިތާމަކުރައްވާ ކަމަށް ޝިޔާމް ވިދާޅުވިއެވެ.
ޝިޔާމް ވިދާޅުވީ ރައީސް ޔާމިންގެ މައްސަލަ އަޑުއައްސަވަން ޔޫއެންގެ ބޭފުޅަކުވެސް ޝަރީޢަތުގެ މަޖިލީހުގައި ހުންނެވިތަން ދެކިލެއްވި ކަމަށެވެ. އަދި ޑިމޮކްރަސީއަކީ ހުޅަނގަށް އެކަނި އިނގޭ އެއްޗެއްތޯ ޝިޔާމް ސުވާލުކުރައްވައިފައިވެއެވެ.
މީގެއިތުރުން މިސަރަހައްދުގައި ޑިމޮކްރަސީ އަށް ވަނީ އިންޑިޔާއިން ބޭނުންވާ ގޮތަކަށް ހިންގާ ސަރުކާރެއްގެ ޢަމަލުތައްތޯ ނުވަތަ އިންޑިޔާއިން ބޭނުންވާ ގޮތައް އޮޕަރޭޓުވާ ފަނޑިޔާރުގެ ތަކުން ކުރާ ޙުކުމްތައްތޯ ޝިޔާމް ވަނީ ސުވާލުކުރައްވައިފައެވެ.
ދިވެހިރާއްޖެގައި މިވަގުތު ހުރި އެންމެ ތާއީދު ބޮޑު ލީޑަރަށް ވާދަނުކުރެވޭ އިންތިޚާބެއް އިންސާފުވެރި ވާނެކަމަށް ޤަބޫލުކުރައްވަނީ ކިހިނެއްތޯވެސް ޝިޔާމް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
