ކުރިއަށް އޮތް ކޮންމެ ހަފްތާއެއް އަދި ކޮންމެ ދުވަހެއްވެސް ހޭދަކުރާނީ ރައީސް ޢަބްދުالله ޔާމިން ޢަބްދުޤައްޔޫމް މިނިވަން ކުރުމަށް ކަމަށް ރައީސް ޔާމިންގެ ވަކީލު އަދި ކުރީގެ ނައިބު ރައީސް ޑރ މުޙައްމަދު ޖަމީލް އަޙްމަދު ވިދާޅުވެއްޖެއެވެ.

ޖަމީލް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.

"ރައީސް ޔާމީން އަށް އިންސާފު ނުލިބި ރާއްޖޭގެ ކޯޓު ނިޒާމުގެ ތެރޭގައި އެ މަނިކުފާނު ކަސްތަޅު އަޅުވައިފި، އަދި އެ މަނިކުފާނުގެ އަސާސީ އެތަކެއް ޙައްޤެއް އަނިޔާވެރިކަމާއެކު ނިގުޅައިގަނެފި، މިއީ ބަލައިގަނެގެން ހުރެވޭނެ އަނިޔާއެއްނޫން" ޖަމީލް ވިދާޅުވެފައިވެއެވެ.

ރައީސް ޔާމީންގެ މައްޗަށް ވ. އާރަށުގެ މުއާމަލާތާއި ގުޅިގެން ވަނީ 11 އަހަރުގެ ޙުކުމެއް އިއްވައިފައެވެ. ކްރިމިނަލް ކޯޓުން އެމަނުކުފާނަށް މިގޮތަށް ޙުކުމް އިއްވާފައިވަނީ ފާއިތުވި އަހަރުގެ ޑިސެމްބަރ 25 ގައެވެ. އެ ޙުކުމް ހައިކޯޓުގައި އިސްތިއުނާފު ކޮށްފައިވަނީ މިދިޔަ ފެބްރުއަރީ މަހުގެ 21 ގައެވެ.

އެމައްސަލަ އިސްތިއުނާފު ކޮށްފައިވީނަމަވެސް އަދިވެސް އެމައްސަލައިގެ ޙުކުމެއް އިއްވައިފައެއް ނުވެއެވެ.

އިސްތިއުނާފުގެ މައްސަލަ އަވަސްކުރުމަށް ޕީޕިއެމް ޕީއެންސީ ކޯލިޝަންގެ އިސް ލީޑަރުން ދަނީ ސްޕްރީމް ކޯޓަށް ގޮސް ފަނޑިޔާރުންނާއި ބައްދަލު ކުރުމަށް ވެސް މަސައްކަތް ކޮށްފައެވެ. ނަމަވެސް އެމައްސަލައިގެ އަޑު އެހުންތައް ވެސް މިހާރު ވަނީ ހުއްޓިފައެވެ.