އަރބަންކޯގެ ކަސްޓަމަރ ސާރވިސް ސެންޓަރ "އަރބަން ސެންޓަރ" މިއަދު ހުޅުވައިފިއެވެ.
ސެންޓްރޯ މޯލްގެ އެންމެ ތިރީ ފަންގިފިލާގައި ހުންނަ މިތަން ހުޅުވައިދެއްވީ، އަރބަންކޯގެ މެނޭޖިންގ ޑިރެކްޓަރ އަހްމަދު އާތިފެވެ.
އަރބަންކޯގެ ކަސްޓަމަރުންނަށް ފޯރުކޮށްދޭ ޚިދުމަތްތައް ވީހާވެސް ލުއިފަސޭހަގޮތަކަށް އެއްތަނަކުން ފޯރުކޮށް ދިނުމުގެ ބޭނުމުގައި ހުޅުވި އަރބަން ސެންޓަރ އަކީ ކުންފުނި އިތުރަށް ކުރިއަރާ ފުޅާވަމުން ދާވަރަކަށް ކަސްޓަމަރުންނަށް ފޯރުކޮށްދޭ ހިދުމަތްތަކުގެ ފެންވަރު ރަނގަޅު ކުރުމަށްހުޅުވި ސެންޓަރެއް ކަމަށް އެ ކުންފުނިން ބުނެއެވެ.
މިގޮތުން، އޮންލައިންކޮށް ސާރވިސަސް ބޭނުންކުރުމަށް ދަތިވާ ފަރާތްތަކަށް، އަރބަން ސެންޓަރއަށް ދިއުމުން އަރބަންކޯގެ މުވައްޒަފުން އެފަރާތަކަށް އެހީތެރިކަން ފޯރުކޮށްދިނުމަށް ހަމަޖެހިފައިވާއިރު، މި ސެންޓަރު ހުޅުވިފައިވަނީ އާރބަންކޯގެ ކަސްޓަމަރުންނަށް އެންމެ ގާތުން ހިދުމަތް ފޯރުކޮށްދޭ މުވައްޒަފުންނަށް މަސައްކަތް ކުރުމަށް ރަނގަޅު ޖާގަ ތަނަވަސް މާހައުލެއްގައިކަން އާބަންކޯއިން ފާހަގަކޮށްފައިވެއެވެ.
އަރބަން ސެންޓަރަކީ އެ ކުންފުނީގެ ހުރިހާ ކަސްޓަމަރުންނަށް އަޅުގަނޑުމެންގެ ހިދުމަތްތައް އެއްތަނަކުން ފަސޭހަގޮތަކަށް ލިބޭނެ ގޮތް ހެދުމަށް ފަރުމާކުރެވިފައިވާ ސެންޓަރެއް ކަމުގައު އެ ކުންފުނިން ބުނެއެވެ.
Advertisement
This content is created and paid for by advertisers and does not involve Voice Journalists
