އަންނަ މަހު 9 ގައި އޮންނަ ރިޔާސީ އިންތިހާބުގައި އިދިކޮޅު ޕީޕީއެމް/ޕީއެންސީގެ ގެ ފަރާތުން ވާދަކުރައްވާ ކެންޑިޑޭޓް، ޑރ. މުހައްމަދު މުއިއްޒު ގެ ކެމްޕެއިން މެނޭޖަރަކަށް ކުރީގެ ޑިރެކްޓާ އޮފް އޮޕަރޭޝަންސް ކެޕްޓަން މުހައްމަދު އަމީން، އަދި ޑެޕިއުޓީ ކެންޕެއިން މެނޭޖަރަކަށް ކުރީގެ ހެލްތު މިނިސްޓަރު އަބްދުالله ނާޒިމް އިބްރާހިމް ހަމަޖައްސައިފި އެވެ.

މުއިއްޒުގެ ކެމްޕެއިން މެނޭޖަރާއި ޑެޕިއުޓީ މެނޭޖަރުގެ އިތުރުން  އެސިސްޓެންޓް ކެމްޕެއިން މެނޭޖަރ ވެސް ވަނީ މިއަދު ކަނޑައަޅާފައެވެ. އެގޮތުން އެ މަގާމަށް ހަމަޖެއްސީ މަޑަވެލި ދާއިރާގެ ކުރީގެ މެންބަރު މުއާޒް މުހައްމަދު ރަޝީދު އެވެ.

އިދިކޮޅު ކޯލިޝަންގެ ފަރާތުން މީގެ ކުރިން ވާދަކުރަން ހަމަޖެހުނު ޕީޕީއެމްގެ ރައީސް އަދި ކުރީގެ ރައީސް ޔާމީން އަބްދުލްގައްޔޫމްގެ ކެމްޕެއިން މެނޭޖަރުންގެ ގޮތުގައި ވެސް ހަމަޖެއްސެވީ އެ ތިން ބޭފުޅުންނެވެ.

Advertisement

މުޢިއްޒު ގެ ކެންޕެއިން މެނޭޖަރުން ކަނޑައަޅާފައިވާ އިރު, އޭނާގެ ދޮރުން ދޮރަށް ކެމްޕެއިން ވެސް މިއަދު ފެށުމަށް ވަނީ ހަމަޖެހިފައެވެ.

އެގޮތުން މުޢިއްޒު ގެ ދޮރުން ދޮރަށް ކެމްޕެއިން ފެށިގެންދާނީ ދެވަނަ ފިޔަވަހީގެ ހިޔާ (އަތިރިމަތި ފަޅި) ބަސްހުއްޓި ސަރަހައްދުން މިއަދު ހަވީރު 16:15 ގައި ކަމަށްވެސް އިދިކޮޅުުން ބުނެފައިވެއެވެ.