ޕީޕީއެމް/ޕީއެންސީ ކޯލިޝަންގެ ފަރާތުން ޕީއެންސީގެ ޓިކެޓްގައި ރިޔާސީ އިންތިޚާބުގައި ވާދަކުރައްވަާ މާލޭ ސިޓީ ކައުންސިލްގެ މޭޔަރ ޑރ މުހައްމަދު މުޢިއްޒުގެ ރިޔާސި ވައުދުތަކާއި ގުޅޭގޮތުން ޢިލްމުވެރިންގެ ގުޅުމުން އެ މަނިކުފާނާއި ބައްދަލުކުރައްވައި މަޝްވަރާތައް ކުރިއަށް ގެންގޮއްސިއެވެ.
ބުދަ ދުވަހުގެ ރޭ 11:30ން 12:30 އައި ދެމެދު ކުރިއަށްދިޔަ މި މަޝްވަރާ ބައްދަލުވުމުގައި ރާއްޖޭގެ އިސްފަންތީގައި މަސައްކަތް ކުރައްވާ ގިނަ ޢިލްމުވެރިންތަކެއް ވަނީ ބައިވެރިވެ ވަޑައިގެން ޑރ މުއިއްޒުއާއި މަޝްވަރާ ކުރައްވައިފައެވެ.
ރައީސް އަބްދުﷲ ޔާމީން އަބްދުލް ގައްޔޫމަށް މިއަހަރުގެ ރިޔާސި އިންތިހާބުގައި ވާދަ ނުކުރެވޭނެކަން އެންގުމުން ޕީޕީއެމް ޕީއެންސީ ކޯލިޝަންއިން އިންތިޚާބުގައި ވާދަކުރައްވާނެ ކެނޑިޑޭޓެއްގެ ގޮތުގައި ރައީސް ޔާމީނުގެވެސް ތާއީދާއެކު ޑރ މުއިއްޒުވަނި ރިޔާސީ އިންތިހާބަށް ނަން ހުށަހަޅުއްވާފައެވެ.
ޑރ މުއިއްޒުގެ ކެމްޕެއިން މިހާރު ފެށިގެން ކުރިއަށްދާއިރު، މިއަދު ހަވީރު ވަނީ ހިޔާ ފްލެޓް ސަރަަހައްދަށް ވަޑައިގެން އެ ސަރަހައްދުގައި ދިރިއުޅޭ ރައްޔިތުންނާއި ބައްދަލުކުރައްވާ އެ ފަރާތްތަކުގެ ހާލަތު ބައްލަވައިފައެވެ.
Advertisement
This content is created and paid for by advertisers and does not involve Voice Journalists
