ރިޔާސި އިންތިޚާބުގެ ކެމްޕެއިން ޕީޕީއެމް/ޕީއެންސީން ފަށައި އެ ކޯލިޝަންގެ ކެމްޕެއިން ފުރަތަމަ ޖަގަހަ، ޕީޕީއެމްގެ "ދިވެހީންގެ ޖަގަހަ" އަލިމަސް ކާނިވަލުގައި މިރޭ ހުޅުވައިފިއެވެ. 

ޕީޕީއެމް/ޕީއެންސީ ކޯލިޝަނަށް ތާއީދުކުރާ ގިނަ އަދަދެއްގެ ސްޕޯޓަރުން ބައިވެރިވި އެ ރަސްމިޔާތުގައި ޕީޕީއެމްގެ  "ދިވެހީންގެ ޖަގަހަ" ހުޅުއްވައިދެއްވީ އެ ކޯލިޝަންގެ ރިޔާސީ ކެންޑިޑޭޓް، ޑރ މުހައްމަދު މުޢިއްޒުއެވެ. 

ޕީޕީއެމްގެ "ދިވެހީންގެ ޖަގަހަ" ހުޅުވުމަށް ބޭއްވި ޖަލްސާއަށް އެ ޕާޓީގެ ގިނަ އަދަދެއްގެ ސަޕޯޓަރުން އެއްވެފައި

މި ޖަލްސާގައި ޕީޕީއެމްއާއި ގިނަ އަދަދެއްގެ މެމްބަރުން ވަނީ ގުޅިފައެވެ. 

މީގެ އިތުުރުންވެސް މި ރަސްމިޔާތުގައި ވަނީ މިއަހަރުގެ ރިޔާސީ އިންތިހާބަށް ތައްޔާރުކޮށްފައިވާ "ދިވެހީންގެ ރިޔާސީ ކެންޑިޑޭޓްގެ ބަސް" ލަވަވެސް އިފްތިތާޙް ކޮށްފައެވެ. މި ލަވައިގެ ޅެން ހައްދަވައިފައިވަނީ ޕީއެންސީގެ ރައީސް އަދި އިދިކޮޅު ކޯލިޝަން ހިންގެވުމާއި ހަވާލުވެ ވަޑައިގެން ހުންނެވި، އަބްދުއް ރަޙީމް އަބްދުاللهއެވެ. ލަވައިގެ ރާގު ހައްދަވައި ލަވަ ކިޔައިފައިވަނީ މަޝްހޫރު ލަވަ ކިޔުންތެރިޔާ ކުޑަ އިއްބެއެވެ. 

ޕީޕީއެމްގެ ރިޔާސީ ކެންޑިޑޭޓް ކުރީގެ ރައީސް އަބްދުالله ޔާމީނަށް ރިޔާސީ އިންތިހާބުގައި ވާދަކުރުމުގެ ފުރުސަތު ގެއްލުމުން ޕީއެންސީގެ ކެންޑިޑޭޓެއްގެ ގޮތުގައި މުއިއްޒު ނިކުންނަވާ ކެމްޕޭން މިހާރު ވަނީ ފަށައިފައެވެ.