ޕްރޮގްރެސިވް ކޮންގްރެސް ކޯލިޝަންގެ ރިޔާސީ ކެންޑިޑޭޓު ޑރ މުޙައްމަދު މުއިއްޒުއަށް މ ދިއްގަރުން ހޫނު މަރުހަބާއެއް ކިޔައިފި އެވެ.
ޑރ މުއިއްޒަށް މަރުހަބާ ދެންނެވުމަށްޓަކައި ދިއްގަރު އޮތީ ވަރަށް ބޮޑަށް ޒީނަތްތެރިކޮށްފަ އެވެ. އަދި އެމަނިކުފާނަށް މަރުހަބާ ދެންނެވުމަށްޓަކައި ގިނަ އަދަދެއްގެ ސަޕޯޓަރުން ވަނީ ބަނދަރު ސަރަހައްދަށް އެއްވެފަ އެވެ.
ޑރ މުއިއްޒަށް މަރުހަބާ ދެންނެވުމަށް ބޮޑުބެރު ހަރަކާތެއް ކުރިއަށް ގެންދަނީ
ޑރ މުއިއްޒު ރަށަށް ވަޑައިގެން ވަނީ އެމަނިކުފާނުގެ ރިޔާސީ ކެންޑިޑޭޓު ނަންބަރު "ނަންބަރު 4" ޖަހާފައިވާ ބޯޑެއްގައި ހެޔޮފާހަގަ ޖައްސަވާ ސޮއިކުރައްވާފަ އެވެ. އެއީ މި ރަށުން ޑރ މުއިއްޒަށް މެޖޯރިޓީ ވޯޓު ހޯދާދޭނެކަމުގެ ރަމްޒީ ހަރަކާތެއްކަމަށް އެ ހަރަކާތް އިންތިޒާމު ކުރެއްވި ފަރާތްތަކުން ވަނީ ބުނެފަ އެވެ.
ޑރ މުއިއްޒުގެ ކެންޑިޑޭޓު ނަންބަރުގައި އެމަނިކުފާނު ސޮއިކުރައްވަނީ
ޑރ މުއިއްޒު ވަނީ މި ރަށަށް ވަޑައިގެން ދިއްގަރުގައި ޕީޕީއެމްގެ ޖަގަހަ ރަސްމީކޮށް ހުޅުވާދެއްވާފަ އެވެ. އެފަހުން ދިއްގަރުގައި ވަނީ ޑރ މުއިއްޒުގެ ކެމްޕޭނު ޖަލްސާއެއް ވެސް ބާއްވާފަ އެވެ.
ޑރ މުއިއްޒު ދިއްގަރަށް ވަޑައިގެންފައިވަނީ މ އަތޮޅުގެ ބައެއް ރަށްތަކަށް ވަޑައިގަތުމަށް ފަހުއެވެ.
ޑރ މުއިއްޒު ދިއްގަރުގައި ޖަލްސާ ހުޅުވާދެއްވަނީ
މ އަތޮޅަށް ޑރ މުއިއްޒުގެ ވެރިކަމެއްގައި ކޮށްދެއްވާނެ މުހިންމު ކަންތަކުގެ ވާހަކަ ޑރ މުއިއްޒު ވަނީ ވިދާޅުފަ އެވެ. އެމަނިކުފާނު ވަނީ ރައްޔިތުން އިޚްލަސްތެރިކަމާއެކު ގައުމީ ފިކުރުގައި ވޯޓުދެއްވުމަށް އިލްތިމާސް ކުރައްވާފަ އެވެ.
Advertisement
This content is created and paid for by advertisers and does not involve Voice Journalists
