ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒުގެ ވެރިކަމެއްގައި ރ މީދޫގައި ހުންނަ ސިއްހީ މަރުކަޒު ހޮސްޕިޓަލަކަށް ބަދަލުކޮށްދެއްވުމަށް އެމަނިކުފާނު ވައުދުވެވަޑައިގެންފިއެވެ. 

ރިޔާސީ އިންތިހާބުގެ ކެމްޕެއިންގައި ރ އަތޮޅަށް ކުރައްވަމުންގެންދަވާ ދަތުރުފުޅުގައި އެ އަތޮޅު މީދުއަށް ވަޑައިގެން އެރަށުގެ ސަޕޯޓަރުންނާއި ބައްދަލުކުރައްވާ ދެއްކެވި ވާހަކަފުޅުގައި މުއިއްޒު ވިދާޅުވީ، އެ މަނިކުފާނުގެ ސަރުކާރެއްގައި މީދޫގެ ތަރައްގީއަށް ކުރަން ހުރި ކަންކަމުގައި ފުރިހަމަ އިޖާބައެއް ދޭނެ ކަމުގައެވެ. 

މުއިއްޒުގެ ވާހަކަފުޅުގައި މީދުއަށް ކޮށްދެއްވާނެ އިތުރު ކަންކަން ފާހަގަކުރައްވައި ވަނީ އެރަށުގެ ބިމުގެ ޖާގައިގެ ދަތިކަން ހައްލުކުރުމަށް އެ ރަށު ފަޅުން ހިއްކެން އޮތް އެންމެ ބޮޑަކަށް އެ މަނިކުފާނުގެ ސަރުކާރެއްގައި ހިއްކައިގެން އެ މައްސަލައަށް ހައްލެއް ގެނެސްދޭނެކަމުގައެވެ. 

Advertisement

އަދި މީގެ އިތުރުންވެސް އެރަށު ބަނދަރުގެ ޖާގައިގެ ދަތިކަމަށް ހައްލެއް ގެނެސްދޭން ޖެހޭ ކަމަށް ދެކިލައްވާ ކަމަށާއިި އެ މައްސަލައަށް ވެސް ހައްލެއް ގެނެސްދޭން ކަމުގެ ޔަގީންކަން މުއިއްޒު ވަނީ މީދޫގެ ރައްޔިތުންނަށް އަރުވައިފައެވެ. 

މީގެ އިތުރުން މުއިއްޒުގެ ވާހަކަފުޅުގައި އެ ރަށުގެ ރައްޔިތުން އެމަނިކުފާނަށް ވިދާޅުވި ހޫނު މަރުޙަބާއަށް ވަނީ ޝުކުރު އަދާކުރައްވައިފައެވެ.