ޕީޕީއެމްގެ ރައީސް އަދި ކުރީގެ ރައީސް އަބްދުالله ޔާމީން އަބްދުލްގައްޔޫމުގެ ޒައާމަތުގައި ބޭރު ގައުމުތަކުން ބޮޑެތި ލޯނުތައް ނެންގެވީ ބައެއްގެ ފައިބުޑަށް ނުވެއްޓި އެ ލޯނު އަނބުރާ ދައްކަވާނެ ގޮތް ހޯއްދަވާފައި ކަމަށް އިދިކޮޅު ކޯލިޝަން ވަގުތީގޮތުން ހިންގެވުމާއި ހަވާލުވެ ހުންނެވި ޕީއެންސީގެ ރައީސް އަބްދުއްރަހީމް އަބްދުالله ވިދާޅުވެއްޖެ އެވެ.
އަބްދުއްރަހީމް މިފަދައިން ވިދާޅުވެފައި ވަނީ އޭދަފުށީގައި ބޭއްވި ޑރ މުއިއްޒުގެ ރިޔާސީ ކެމްޕޭނު ޖަލްސާގައި ވާހަކަދައްކަވަމުން ނެވެ.
އަބްދުއްރަހީމް ވިދާޅުވީ ރައީސް ޔާމިނުގެ ވެރިކަމުގައި ރާއްޖެއިން ބޭރު ގައުމުތަކުން ލޯނުތައް ނެގީ ތަރައްގީގެ ބިޔަ މަޝްރޫއުތައް ހިންގެވުމަށްކަމަށެވެ. އެގޮތުން އެ ލޯނުތަކުން ގެނެސްދެއްވި ތަރައްގީއިން މިއަދު ވެސް ރައްޔިތުން މަންފާ ހޯދަމުންދާ ކަމަށް އަބްދުއްރަހީމް ވިދާޅުވި އެވެ.
އެއާއެކު އަބްދުއްރަހީމް ވިދާޅުވީ ރައީސް ޔާމިނު ލޯނު ނެންގެވީ ބަޔަކަށް އަޅުވެތި ނުވެ، އެ ލޯނު އަނބުރާ ދެއްކޭނެ ގޮތް ހޯއްދަވާފަ އެވެ. ބޭރު ގައުމުތަކުން ރައީސް ޔާމިނުގެ ޒައާމަތުގައި ނެގި ލޯނުތައް އަނބުރާ ދެއްކުމަށް ރައީސް ޔާމިނުގެ ޒައާމަތުގައި ސޮވްރިން ފަންޑެއް ހުޅުވާ އޭގައި ޑޮލަރު ރައްކާކުރަމުން ގޮސްފައިވާަކަން ވެސް އަބްދުއްރަހީމްގެ ވާހަކައިގައި ފާހަގަކުރެއްވި އެވެ.
އަބްދުއްރަހީމް އޭދަފުށީ ޖަލްސާގައި ވާހަކަދައްކަވަނީ
"ރައީސް ޔާމީނު ނެންގެވި ކޮންމެ ލޯނެއް ނެންގެވީ ދިވެހި ގައުމުގެ ލާބަޔާއި މަންފާއަށްޓަކައި. ދިވެހި ރައްޔިތުންގެ ކުރިއެރުމާއި ތަރައްގީއަށްޓަކައި. ލޯނު ނެންގެވީ ބްރިޖު އެ އޮތީ ނިމިފައި. ލޯނު ނަންގަވާފައި އަނެއްކާ ލޯނު ދައްކަވާނެ ގޮތް ދެއްކެވި"
ޕީއެންސީގެ ރައީސް އަބްދުއްރަހީމް
އަބްދުއްރަހީމް ވިދާޅުވީ ސަރުކާރުގައި ތިއްބެވި ފަރާތްތައް ރައީސް ޔާމިނަށް ކިތަންމެ ފާޑުކިޔުންތަކެއް އަމާޒު ކުރި ނަމަވެސް އެމަނިކުފާނު މި ގައުމަށް ކޮށްދެއްވާފައިވާ ޚިދުމަތްތައް ފޮހެނުލެވޭނެ ކަމަށެވެ. އަދި މި ގައުމު އޮތް ހާ ހިނދަކު ރައީސް ޔާމިނުގެ ނަންފުޅު ފޮހެނުލެވޭނެ ކަމަށެވެ.
Advertisement
This content is created and paid for by advertisers and does not involve Voice Journalists
