ހިންދޫ ފާދިރީ ހޮޓެލް ތެރޭގައި ކުލާސް ނެގުމާއި ގުޅިގެން ޖަހާފައިވާ އިޝާތިހާރު ތަކަކަކީ އެ ހޮޓަލަށް އެނގިގެން ކޮށްފައިވާ ކަމެއް ނޫން ކަމަށް އުނިމާ ގްރޭންޑް އިން ބުނެފިއެވެ. 

ހިންދޫ ދީނުގެ ބޮޑު ފާދިރީއެއް ކަމުގައިވާ ގަނޭޝް ޑުބޭ ނަމަކަށް ކިޔާ ގުރޫއެއް މާލޭގައި ހުންނަ އުނިމާ ގުރޭންޑުގައި، އެ ދީނުގެ ދީނީ ކުލާސްތަކެއް ނަގައިދޭ މައްސަލައެއް ފެންމަތިވުމާއި ގުޅިގެން އެ ހޮޓެލުން ނެރުނު ބަޔާނެއްގައި ބުނީ، އެ 'ގުރޫ' އާއި އޭނާ އާއި އެކު އައިސްފައިވާ އިތުރު ދެމީހަކު އެތަނުގެ އުސޫލާއި ޚިލާފުވެފައިވާތީ ހޮޓެލުން ޗެކްއައުޓް ކޮށްފައިވާ ކަމަށެވެ.

"އަދި މި މީހުން ފޭސްބުކު މެދުވެރިކޮށް ޖަހާފައިވާ އެއްވެސް އިޝްތިހާރަކީ، އެއްވެސް ސިފައެއްގައި މި ގެސްޓުހައުސް އަށް އެނގިގެން ކޮށްފައިވާ ކަމެއް ނޫނެވެ." މީރުމާ ގްރޭންޑް ގެ ބަޔާނުގައި ވެއެވެ. 

Advertisement

ހިންދޫ ގުރޫގެ ކުލާސް ނެގުމާއި ގުޅިގެން ގިނަބައެއްގެ ނުރުހުން އަމާޒުވެފައި ވަނިކޮށް، އޭނާގެ ރަސްމީ ފޭސްބުކް ޕޭޖުގައި، ކޮށްފައިވާ ޕޯސްޓެއްގައި ވަނީ އެ ކޯހުގެ މަގުސަަދާއި ގުޅޭ މައުލޫމާތު ވެސް ދީފައެވެ.

އަދި އޭނާ ބުނީ އެ ހިންގު ކުލާސްތަކާއި، އެ ހިންގަމުންދާ ހޮޓެލާއި އެއްވެސް ގުޅުމެއް ނޯންނަ ކަމަށެވެ. އަދި އެއީ އެއްވެސް ސިޔާސީ އަދި ދީނީ ބަޔަކާއި ގުޅިގެން ހިންގި އެއްޗެއް ނޫން ކަމަށްވެސް ބުނެފައި ވެއެވެ. 

މިއާއެކު އޭނާ ބުނީ، އޭނާގެ މަގުސަދަކީ ދީނާއި، ފިކުރާއި، އަގީދާ އަށް ބެލުމެއް ނެތި އޭނާގެ އެ ފިލާވަޅައި، އޭނާގެ ތަރުބިއްޔަތު އެންމެނަށްވެސް ފޯރުކޮށްދިނުން ކަމަށެވެ. 

މި ގުރޫ ރާއްޖެއަށް އައިސް މިފަދަ ކުލާސްތަކެއް ނަގާފައި ވަނީ، ކުރިއާލާ އެކަން އިޝްތިހާރުވެސް ކޮށްފައެވެ. އަދި ރާއްޖެ އައިސް ހުރި އިރުވެސް އޭނާ ވަނީ އެކަން ކޮށްފައެވެ.