‏ރައީސުލްޖުމްހޫރިއްޔާ އިބްރާޙީމް މުހައްމަދު ޞާލިހު ރިޔާސީ ކެންޕެއިނަށް ލ މާވަށަށް ވަޑައިގަންނަވާތީ، މާވަށު ޕީޕީއެމް އޮފީހުގެ ހުރި ހުރިހާ އަޑު ގަދަ ކުރާތައް ނަގައި، ބައެއް މީހުން ހައްޔަރު ކޮށްފިއެވެ. 

ރިޔާސީ ކެންޕެއިނަށް މިއަދު ރައީސް ޞާލިހު މާވަށް ވަޑައިގެންނެވުމަށް ވަނީ ހަމަޖެހިފަ އެވެ. އެމަނިކުފާނު ވަޑައިގެންނެވުމުގެ ކުރީން، ފުލުހުން ވަނީ މާވަށު ޕީޕީއެމް ޖަގަހައަށް ވަދެ، އެތަނުގައި ހުރި އަޑު ގަދަކުރާ ތައް ނަގައި، އެތާ އެތެރޭގައި ތިބި މީހުންތައް އެ ތަނުން ނެރެ، ބައެއް މީހުން ހައްޔަރުވެސް ކޮށްފަ ކަމަށް މައުލޫމާތު ލިބެއެވެ. 

ޕީޕީއެމްގެ ޖަގަހަ ތެރެއިން ގިނަ އަދަދެއްގެ ފުލުހުންނާއި، ޕީޕީއެމްގެ ސްޕޯޓަރުންނާއި ދެމެދު ކުރިމަތި ލުމަކަށް ގޮސްފައިވާއިރު، ފުލުހުންގެ ފަރާތުންވެސް އެތަނުގައި ތިބި މީހުންނަށް އަނިޔާ ލިބެމުން ދިޔަތަން ފެނުގެން ދިޔައެވެ. އަދި އެއާއެކު އެތަނުގައި ތިބި އެއްބަޔަކު ވަނީ ފުލުހުންނާއި ދިމާއަށް ވެލި ވެސް އުކާފައެވެ. 

Advertisement

މީގެ ކުރިންވެސް ރައީސް ޞާލިހު ރަށް ރަށަށް ވަޑައިގަންނަވާތީ ކުރިއާލާ އެ ރަށަކަށް ފުލުހުންގެ ފޯޖެއް ވަޑައިގެން އަޑު ގަދަ ކުރާތައް ނަގައި، އެ ރަށްރަށުގައި އިދިކޮޅު ފަރާތްތަކުން ދަމާފައި ހުންނަ ބެނާތައް ވެސް ވަނީ ނަގާފައެވެ.