ދިނީ އިލްމުވެރިޔާ، ޑރ އަލީ ޒައިދުގެ ތާއީދު މިއަހަރުގެ ރިޔާސީ އިންތިހާބުގައި ޕީޕީއެމް ޕީއެންސީގެ ފަރާތުން ވާދަކުރައްވާ ކެންޑިޑޭޓު ޑރ މުހައްމަދު މުއިއްޒަށް ކުރެއްވުމަށް ނިންމައިފިއެވެ.
މިކަން ހާމަކޮށް އަލީ ޒައިދު ކުރެއްވި ޓުވީޓެއްގައި ބުނެފައިވަނީ ގައުމުގެ މިވަގުތުގެ ހާލަތާއި އެންމެ މުނާސަބު ކެންޑިޑޭޓަކީ ޑރ މުއިއްޒުކަމުގައި ދެކިލައްވާތީ މިއަހަރުގެ ރިޔާސީ އިންތިހާބުގައި ޑރ މުއިއްޒަށް ތާއިދު ކުރެއްވުމަށް ނިންމަވާފައިވާކަމަށެވެ.
ސަރުކާރުގެ ބައެއް ސިޔާސަތުތަކަށް މީގެ ކުރިން ވަރަށް ބޮޑަށް ތައުރީފް ކުރެއްވި ޑރ އަލީ ޒައިދު ޑރ މުއިއްޒަށް ތާއިދު ކުރެއްވުމަށް ނިންމަވާ ކުރެއްވި ޓުވީޓުގައި އިތުރަށްވަނީ ހެޔޮ ތައުފީގު ދެއްވުމަށް އެދި ދުއާ ކުރައްވާކަމުގައެވެ.
ގިނަ އަދަދެއްގެ ދީނީ އިލްމުވެރިން ޑރ މުއިއްޒަށް ތާއިދު ކުރައްވާކަން ހާމަކުރަމުން ދާއިރު، މީގެ އެއްދުވަސް ކުރިން ދިވެހިރާއްޖޭގެ އިލްމުވެރިންގެ ގުޅުމުގެ ފަރާތުން ރިޔާސީ އިންތިހާބުގައު ތާއިދު ކުރާނެ ކެންޑިޑޭޓަކު ކަނޑައެޅުމުމަށް އެ ޖަމިއްޔާގެ ވައިބަރ ގްރޫޕްގައި ނެގުނު ވޯޓުން އިލްމުވެރިން 82 އިންސައްތަ އިލްމުވެރިން ވަނީ ޑރ މުއިއްޒަށް ތާއިދު ކުރެއްވުމަށް ވޯޓު ދެއްވައިފައެވެ.
Advertisement
This content is created and paid for by advertisers and does not involve Voice Journalists
