ވޯޓުލާ މަރުކަޒުތަކުގެ ކުރިމަތީ ގޮނޑި ބަހައްޓައިގެން ޕާޓީތައް ތަމްސީލްކުރާ މީހުން ތިބެން ފުރުސަތު ދެވެން ނެތް ވާހަކަ ފުލުހުން ބުނެފިއެވެ.
އިލެކްޝަންސް ކޮމިޝަންގެ ރައީސް ފުއާދު ތައުފީގަށް އެޑްރެސްކޮށް، ޗީފް ސްޕްރިޓެންޑެންޓް އޮފް ޕޮލިސް އަހުމަދު ޝާކިރު ފޮނުއްވި ސިޓީއެއްގައި ވަނީ، މީގެ ކުރިން ކުރިއަށް ގެންގޮސްފައިވާ ރިޔާސީ އިންތިޙާބުތަކުގައި ސިޔާސީ ޕާޓީތައްތަމްސީލުކުރާ ފަރާތްތަކުން، ވޯޓުލާ މީހުންގެ ލިސްޓް ހިފައިގެން އެފަރާތްތަކުގެ މައުލޫމާތު ނޯޓުކުރުމަށާއި އެފަރާތްތަކަށް ގުޅުމަށް ވޯޓުލާ މަރުކަޒުގެ ކުރިމަތީގައި ގޮނޑިއާއި މޭޒު ބަހައްޓައިގެން ތިބުމުގެ ސަބަބުން ފުލުހުންގެ މަސައްކަތަށް ހުރަސް އެޅޭކަން ފާހަގަކުރައްވާފައެވެ.
އެހެންކަމުން ރިޔާސީ އިންތިޙާބުގެ އަމާންކަމާއި ރައްކާތެރިކަން ކަށަވަރު ކުރުމުގެ ގޮތުން އެފުރުޞަތު ދެވެންނެތް ކަމަށްވެސް ވަނީ ވިދާޅުވެފަ އެވެ.
އެހެންކަމުން 5 ސެޕްޓެމްބަރު ވަނަ ދުވަހު ކެންޑިޑޭޓުންގެ ފަރާތުން ކަނޑައަޅާފއިވާ މަންދޫބުންނާއިއެކު ބޭއްވުނު ބައްދަލުވުމުގައި މަޝްވަރާކުރެވިފައިވާ ގޮތުގެ މަތިން އެކަން ލިޔުމުން ސިޔާސީ ޕާޓީ ތަކަށާއި ކެނޑިޑޭޓުންގެ ފަރާތުން އައްޔަން ކޮށްފައިވާ މަންދޫބުންނަށް އެންގުމަށް ވެސް އެސިޓީގައި ވަނީ އެދިލައްވާފައެވެ.
Advertisement
This content is created and paid for by advertisers and does not involve Voice Journalists
