ރިޔާސީ އިންތިޚާބުގައި ޕީއެންސީގެ ކެންޑިޑޭޓަށް ދިވެހިން ކުރި ތާއީދަށް ޝުކުރު އަދާ ކުރުމަށް "ޝުކުރިއްޔާ ދިވެހިން" ގެ ނަމުގައި މިރޭ ރެލީ އެއް ބޭއްވުށް ހަމަޖެހިފައިވާ ކަމަށް އިދިކޮޅު ޕީއެންސީ ޕީޕީއެމް ކޯލިޝަނުން ބުނެފިއެވެ.
އެކޯލިޝަނުން ބުނީ އެރެލީ އޮންނާނީ މިރޭގެ 8:45 ގައި ކަމަށާއި ރެލީ ބޭއްވުމަށް ހަމަޖެހިފައިވަނީ ހެންވޭރު އާޓިފިޝަލް ބީޗުގައި ކަމަށެވެ.
އިއްޔެ ބޭއްވި ރިޔާސީ އިންތިޚާބުގައި 8 ކެންޑިޑޭޓަކު ވާދަކުރެއްވިއިރު އެންމެ ގިނައިން ވޯޓު ލިބިވަޑައިގަތީ ޕީއެންސީ/ޕީޕީއެމްގެ ކެންޑިޑޭޓް ޑޮކްޓަރ މުޙައްމަދު މުޢިއްޒަށެވެ.
ޑރ މުޢިއްޒަށް 100،122 ވޯޓް ލިބިވަޑައިގަތެވެ. ދެވަނަ އަށް އެންމެ ގިނަ ވޯޓް ހޯއްދެވި އެމްޑީޕީގެ ކެންޑިޑޭޓް އަދި ރާއްޖޭގެ ރައީސް އިބްރާހިމް މުޙައްމަދު ޞާލިޙް އަށް ލިބިވަޑައިގަތީ 84،997 ވޯޓެވެ.
އެހެން ކަމުން އިންތިޚާބުގެ ދެވަނަ ބުރުގައި ދެން ވާދަކުރައްވާނީ މިދެބޭފުޅުންނެވެ. ދެބޭފުޅުންވެސް ވަނީ އެހެން ޕާޓީ ތަކާއި އެކު ކޯލިޝަން ހައްދަވާނެ ކަމަށް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
