އެތައް ގޮންޖެހުން ތަކަކާއި އެކު ޑރ މުޙައްމަދު މުޢިއްޒު ދިވެހިންގެ އިތުބާރު ހޯއްދަވައިފިކަމަށް ޑރ މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ޑރ ޝަހީމް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.
ޝަހީމް ވިދާޅުވީ ނުފޫޒާއި، އެންޓި ކެމްޕޭނާއި، ފައިސާއާއި ބޭރުގެ ނުފޫސާއި މިފަދަ އެތައް ދާއިރާއަކުން ގޮންޖެހުންތައް ހުރި އިރުވެސް އެހެން އެއްވެސް ކެންޑިޑޭޓަކަށް ޑރ މުޢިއްޒު ދެރަ ބަހެއް ވިދާޅުނުވާ ކަމަށެވެ.
އަދި އެއްވެސް އެހެން ކެންޑިޑޭޓަކަށް ދެރަ ބަހެއް ވިދާޅުނުވެ ރިވެތި އަޚްލާޤުގައި ހިފަހައްޓަވައި ﷲގެ ރަޙްމަތްފުޅާއި އެކު ރައްޔިތުންގެ އިތުބާރު ހޯއްދަވައިފި ކަމަށެވެ.
"ދެވަނަ ބުރުވެސް ކާމިޔާބު ކުރައްވާނެ، އިންޝާ ﷲ" ޝަހީމް ވިދާޅުވެފައިވެއެވެ.
އިއްޔެ ބޭއްވުނު އިންތިޚާބުގައި އެންމެ ގިނަ ވޯޓް ހޯއްދަވައިފައިވަނީ ޕީއެންސީ/ޕީޕީއެމްގެ ކެންޑިޑޭޓް ޑރ މުޙައްމަދު މުޢިއްޒެވެ.
އިންތިޚާބުގެ ދެވަނަ ބުރު ސެޕްޓެމްބަރު މަހުގެ 30 ވަނަ ދުވަހު ބޭއްވުމަށް ހަމަޖެހިފައިވާއިރު އިންތިޚާބުގެ ދެވަނަ ބުރުގައި ވާދަކުރައްވާނީ ޑރ މުޢިއްޒާއި މިހާރުގެ ރައީސް އިބްރާހިމް މުޙައްމަދު ޞާލިޙެވެ.
Advertisement
This content is created and paid for by advertisers and does not involve Voice Journalists
