ރައްޔިތުންގެ މަޖިލީހުގެ ރައީސް މުހައްމަދު ނަޝީދު އާއި ނައިބު ރައީސް އީވާ އަބްދުاللهގެ އިތުބާރު ނެތްކަމަށް ހުށަހަޅާފައިވާ މައްސަލަ އެ މައްސަލަތައް ހުށަހެޅުއްވި އެމްޑީޕީން އަނބުރާގެންދިޔަކަން އަދި ރައްޔިތުންގެ މަޖިލީހަށް އަނގަވާފައި ނުވާ ކަމަށް މަޖިލީހުން ބުނެފިއެވެ. 

މިވަގުތު ރާއްޖޭގެ ސިޔާސީ މަސްރަހު ހުރި ގޮތުން ކަންކަން އޮމާންކޮށް ގެންދިއުމަށް ބޭނުންވާތީ ޕީޖީ ގްރޫޕުގެ މެމްބަރުން މަޝްވަރާ ކުރުމަށްފަހު ނަޝީދާއި އީވާގެ އިތުބާރު ނެތްކަމުގެ މައްސަލަ ނަގަން އެމްޑީޕީީން ނިންމާފައިވާ ކަމަށް، އެ ޕާޓީގެ ޕީޖީ ލީޑަރ މުހައްމަދު އަސްލަމް މިރޭގެ ވަގުތެއްގައި އޮންލައިން ބައެއް ނޫސްތަކަށް ވަނީ މައުލޫމާތު ދެއްވާފައެވެ. 

އެކަމާއި ގުޅިގެން މަޖިލީހުން ބުނީ، އެމްޑީޕީން އެފަދަ ނިންމުމެއް ނިންމާފައިވާ ކަން މަޖިލީހަށް އަދި އަންގާފައި ނުވާ ކަމަށެވެ. 

އަދި މާދަމާ އަކީ ސަރުކާރު ބަންދު ދުވަހެއްގެ ގޮތުގައި ރައީސުލުޖުމްހޫރިއްޔާ ހަމަޖެއްސެވިނަމަވެސް، މާދަމާ މަޖިލީހުގެ ޖަލްސާ މިހާރު އާންމުކޮށްފައިވާ އެޖެންޑާއާ އެއްގޮތަށް ކުރިއަށްދާނެ ކަމަށްވެސް މަޖިލީހުން ބުނެފައި ވެއެވެ. 

މާދަމާގެ މަޖިލީހުގެ އެޖެންޑާ ގައި އޮތީ ރައީސް މުހައްމަދު ނަޝީދު ގެ އިތުބާރު ނެތް ކަމުގެ މައްސަލަ ކުރިއަށް ގެންދިޔުމެވެ.