ސަރުކާރުގެ މުއައްސަސާތަކަކީ ރައީސް އިބްރާހިމް މުޙައްމަދު ޞާލިހުގެ ނާކާމިޔާބީކަން ފޮރުވުމަށް ގުރުބާންކުރާ ކަންބަޅިތަކަކަށް ނެހެއްދެވުމަށް ރައްޔިތުންގެ މަޖިލީހުގެ މާވަށު ދާއިރާގެ މެމްބަރު އަދި ޕީއެންސީގެ ނައިބު ރައީސް މުޙައްމަދު ސައީދު ވިދާޅުވެއްޖެ އެވެ.
ސައީދު މިފަދައިން ވިދާޅުވެފައި ވަނީ ދިވެހިރާއްޖޭގައި އިންޑިއާ ސިފައިން ހަރަކާތްތެރި ނުވާކަމަށް ސިފައިންގެ ޖެނެރަލުން ލައްވާ ސަރުކާރުން ބުނުވުމާއި ގުޅިގެން ކުރެއްވި ޓްވީޓެއްގަ އެވެ.
ސައީދު ވިދާޅުވީ ރާއްޖޭގައި ތިބި އިންޑިއާ ސިފައިންގެ މައުލޫމާތު ހާމަނުކޮށް ރައީސް ޞާލިހު 5 އަހަރު ހިފަހައްޓާލެއްވުމަށް ފަހު، މިއަދު ކުއްލި ގޮތަކަށް ސިފައިންގެ ޖެނެރަލުން ލައްވާ، އެ ފަދަ މޭރުމުން ވާހަކަފުޅު ދެއްކެވި ނަމަވެސް ރައްޔިތުންނަށް ހަގީގަތް އޮޅުވާނުލެވޭނެ ކަމަށެވެ.
"5 އަހަރުވީއިރު މިދެއްކީ މިވާހަކަ. ރާއްޖޭގެ އަމިއްލަ މިނިވަންކަންވަނީ “ރިއެކްޓްނުކުރާ” ރައީސްއެއްގެ ސަބަބުން ގެއްލިފަ. ރ އިބްރާޙީމްގެ މޫނުފުރެންދެން ފުއްޖެއްސެވިޔަސް ހަޤީޤީކުލަ ހާމަވާނެ. އޮޅުވާލުމަކުން ތިމަޢުލޫއެއް ފަސްއަޅާނުފޮރުވޭނެ"
މާވަށު ދާއިރާގެ މެމްބަރު މުޙައްމަދު ސައީދު
ސައީދު ވިދާޅުވީ ދިވެހިންނަކީ ކަންކަމަށް ލޯ ހުޅުވިފަތި ތިބި ހޭ ބުއްދިޖެހޭ ތައުލީމީ ބައެއް ކަމަށެވެ. އެހެންކަމުން ދިފާއީ ބާރަށް ނުފޫޒު ފޯރުވައިގެން ބޭރު ބައެއްގެ މަސްލަހަތު ހިމާޔަތްކުރަން ނޫޅުއްވުން ރަނގަޅުވާނެކަމަށް ސައީދު ވިދާޅުވި އެވެ.
އެއާއެކު އޭނާ ވަނީ ރައީސް ޞާލިހަށް ރައްޔިތުން ނޫނެކޭ ބުނުމުން، އެކަން ބަދަލުކުރުމަށް ގުރުބާންކުރާ ކަންބަޅިތަކަކަށް މުއައްސަސާތައް ނެހެއްދެވުމަށް ގޮވާލައްވާފަ އެވެ.
Advertisement
This content is created and paid for by advertisers and does not involve Voice Journalists
