ރިޔާސީ އިންތިޚާބުގެ ދެވަނަ ބުރުގެ ކެމްޕޭނަށް ޕީއެންސީ އަދި ޕީޕީއެމްގެ ރިޔާސީ ކެންޑިޑޭޓް ޑރ މުޙައްމަދު މުޢިއްޒު އަރިދެކުނަށާއި އަރި އުތުރަށް އަދި ރަނިންގމޭޓް ހުސެއިން މުޙައްމަދި ލަތީފް ހުވަދުއަތޮޅަށް ވަޑައިގަތުމަށް ހަމަޖެހިފައިވާ ކަމަށް ޕީޕީއެމުން ބުނެފިއެވެ.
މިއަދު ޕީޕީއެމުން ބޭއްވި ނޫސްވެރިންގެ ބައްދަލުވުމެއްގައި ޑރ މުޢިއްޒުގެ އިންތިޚާބީ އެޖެންޓް މުޙައްމަދު ޠަލާލް ވިދާޅުވީ ޑރ.މުޢިއްޒު އަރިދެކުނަށާއި އަރިއުތުރަށް ކުރައްވާ ދަތުރުފުޅެއްގައި މާދަމާ ފުރާވަޑައިގަތުމަށް ހަމަޖެހިފައިވާ ކަމަށެވެ. އަދި މާދަމާ އެ ދެ އަތޮޅުގެ ބައެއް ރަށްރަށަށް ޒިޔާރަތް ކުރެއްވުމަށްފަހު މާދަމާރޭ އެނބުރި މާލެ ވަޑައިގަންނަވާނެ ކަމަށް ޠޮލާލް ވިދާޅުވިއެވެ.
މާދަމާ ޑރ މުޢިއްޒު އަރިއުތުރަށާއި އަރި ދެކުނަށް ވަޑައިގަތުމަށް ހަމަޖެހިފައިވާއިރު މިއަދު ޑރ މުޢިއްޒު ވަނީ މައްޗަންގޯޅީގައި ދޮރުން ދޮރައް ހިންގެވުމުގެ ކެމްޕޭނު ހަރަކާތެއް ކުރިއަށްގެންދަވާފައެވެ. އަދި މިރޭ މާވެޔޮމަގުގައި އޮންނަ ކަންމަތީ ބައްދަލުވުމެއްގައި ވެސް ޑރ މުޢިއްޒު ބައިވެރިވެވަޑައިގަތުމަށް ވަނީ ހަމަޖެހިފައެވެ.
ޑރ މުޢިއްޒުގެ ރަނިންގމޭޓް ޙުސައިން މުޙައްމަދު ލަޠީފް މާދަމާ ގދ.ވާދުއާއި ފަރެސްމާތޮޑާއަށް ފުރާވަޑައިގަތުމަށް ހަމަޖެހިފައިވާ ކަމަށާއި އެނބުރި މާލެ ވަޑައިގަންނަވާނީ ހުކުރު ދުވަހު މެންދުރު ކުރީގައި ކަމަށްވެސް މިއަދުގެ ނޫސްވެރިންގެ ބައްދަލުވުމުގައި ޠޮލާލް ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
