އެއްވެސް މީހެއްގެ އެއްވެސް ހައްގަކަށް ދުވަހަކުވެސް އަރައިގަނެފައެއް ނުވާނެ ކަމަށާއި ދުވަހަކުވެސް މީހެއްގެ ހައްގަކަށް އަރައިނު ނުގަންނާނެ ކަމުގައި ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒު ވިދާޅުވެއްޖެއެވެ.
ރިޔާސީ އިންތިހާބުގެ ދެވަނަބުރުގެ ކެމްޕެއިންގައި ރޭ މާލޭގައި ބޭއްވި ކަންމަތީ ޖަލްސާގައި ވާހަކަ ދައްކަވަމުން ޑރ މުއިއްޒު ވިދާޅުވީ، ވާހަކަ ހަދާ މީހުން ވާހަކަ ހަދަމުން ދާނެ ކަމަށާއި އެކަންކަމަށް އިންސާފުކުރާނީ ރައްޔިތުން ކަމުގައެވެ.
އަޅުގަނޑު ކޮންމެ ރެޔަކުވެސް ނިދުމުގެ ޔަގީންކުރަން އަޅުގަނޑަށް ހިތްހަމަ ޖެހިލައިގެން ނިދެންވާނެޔޭ އެއްވެސް މީހެއްގެ ހައްގަކަށް އަރައިނުގަނެ
ޑރ މުހައްމަދު މުއިއްޒު
މީގެ އިތުރުން ރޭގެ ޖަލްސާގައި މުއިއްޒު ވިދާޅުވީ، އެ މަނިކުފާނުގެ ކިބައިން ފެންނާނީ ތެދުބަހުން ވާހަކަ ދައްކަވާ މަންޒަރުކަމަށާއި އަދި އެމަނިކުފާނުގެ ބަހާއި އަމަލާވެސް ދިމާވާނެކަމަށެވެ.
މީގެ އިތުރުން އެމަނިކުފާނު ދައްކަވާ ވާހަކައެއްގެ ޒިންމާ އަމިއްލައަށް ނަންގަވާނެ ކަމުގައި ވިދާޅުވެ މުއިއްޒު ވަނީ ރައްޔިތުންގެ ކުރިމައްޗަށް އަރައި ދައްކާ ވާހަކަތައް ދައްކަނީ ވަރަށްބޮޑަށް ބަލައިފައިކަމުގައި ވިދާޅުވެފައެވެ.
އެހެންވީމާ ކުރިއަށް މި އޮތް ދުވަސްތަކުގައި ފެންނާނީ މީކަހަލަ ކަންތައްތަކެއްކަމަށް އަޅުގަނޑުމެންނަށް މޫސުން ލަފާކުރާ އިރު ފެނޭ
ޑރ މުހައްމަދު މުއިއްޒު
ރޭގެ ޖަލްސާގައި މުއިއްޒު ވަނީ އެފަދަ ހުރިހާ ކަމަކަށް ރައްޔިތުން ސަމާލުވެ ތިބުމަށާއި ރައްޔިތުންނަކީ އަމިއްލަ ކަންކަން ކުރުމުގައި ގައުމީ ލޯބި އިސްކުރާ ބަޔަކަށް ވުމަށް އިލްތިމާސް ކުރައްވާފައެވެ.
ރިޔާސީ އިންތިހާބުގެ ދެވަނަބުރުގެ ވޯޓުލުން މިމަހުގެ 30 ވަނަ ދުވަހު ބޭއްވުމަށް ހަމަޖެހިފައިވާއިރު އިންތިހާބުގެ ދެވަނަބުރުގައި އެކުގައި މަސައްކަތް ކުރުމަށް އެމްއެންޕީން މިހާރު ވަނީ އިދިކޮޅު ޕީޕީއެމް ޕީއެންސީ ކޯލިޝަނާއެކު އެއްބަސްވެފައެވެ.
އިންތިހާބުގެ ފުރަތަމަ ބުރުގައި ވާދަކުރާ ނާކާމިޔާބުވެ ވަޑައިގެން އިތުރު އެއްވެސް ކެންޑިޑޭޓެއް ދެވަނަ ބުރުގައި މަސައްކަތް ކުރާނެ ޕާޓީއެއް އަދި އިއުލާންކޮށްފައެއް ނުވެއެވެ.
Advertisement
This content is created and paid for by advertisers and does not involve Voice Journalists
