ދަ ޑިމޮކްރެޓްގެ ޕީޖީ ލީޑަރަކަށް މެދު ހެންވޭރު ދާއިރާގެ މެމްބަރު ޢަލީ ޢާޒިމް އިންތިޚާބު ކޮށްފިއެވެ.
މިއަދު ބޭއްވި ޑިމޮކްރެޓްސްގެ ޕާލިމެންޓްރީ ގްރޫޕްގެ އިންތިޚާބުގައި ވޯޓުގައި ބައިވެރިވެވަޑައިގެންފައިވަނީ ޑިމޮކްރެޓްސްއަށް ނިސްބަތްވާ މަޖިލީހުގެ 11 މެމްބަރުންނެވެ. އެއިންތިޚާބު ކުރިއަށް ގެންގޮސްފައިވަނީ މިއަދު ހެނދުނު 10:00 އިން 11:00 އަށެވެ.
މިއަދު އިންތިޚާބުގެ ނަތީޖާ ދައްކާގޮތުން ޕާލިމެންޓްރީ ގްރޫޕުގެ ލީޑަރަކަށް އިންތިޚާބު ވެފައި ވަނީ މެދު ހެންވޭރު ދާއިރާގެ މެންބަރު ޢަލީ އާޒިމެވެ.
ޕާލިމެންޓްރީ ގްރޫޕުގެ ޑެޕިއުޓީ ލީޑަރު ކަމަށް އިންތިޚާބުވެފައިވަނީ ގައްދޫ ދާއިރާގެ މެންބަރު އަޙްމަދު ޒާހިރު އަދި މާފަންނު މެދު ދާއިރާގެ މެންބަރު އިބްރާހިމް ރަޝީދެވެ.
އަމީންއާންމުގެ މަޤާމަށް އިންތިޚާބު ވެފައިވަނީ އުނގޫފާރު ދާއިރާގެ މެންބަރު މުޙައްމަދު ވަޙީދެވެ.
ވިޕުންގެ ގޮތުގައި މައްޗަންގޮޅި އުތުރު ދާއިރާގެ މެންބަރު މުޙައްމަދު ރަޝީދުވަނީ އިންތިޚާބުވެފައެވެ.
މި ބޭފުޅުން އެ މަޤާމުތަކަށް އިންތިޚާބުކުރީ ވޯޓުގައި ބައިވެރިވެވަޑައިގެންނެވި 11 މެންބަރުންގެ އިއްތިފާގުންނެވެ.
Advertisement
This content is created and paid for by advertisers and does not involve Voice Journalists
