ޕީޕީއެމް/ ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުޢިއްޒު ގެ ވެރިކަމެއްގައި ނުކުޅެދުންތެރިކަން ހުންނަ މީހުންގެ އާއިލާތަކަށް ޚާއްސަ އެލަވަންސްއެއް ތަޢާރަފްކުރައްވާނެ ކަމަށް ވިދާޅުވެއްޖެއެވެ.
ރޭ އދ. މަހިބަދޫގައި ބޭއްވި ކެންޕެއިން ބައްދަލުވުމައި ވާހަކަ ދައްކަވަމުން މުޢިއްޒު ވިދާޅުވީ، ޕީޕީއެމް/ޕީއެންސީން ގާއިމް ކުރަން ބޭނުންވާ ސަރުކާރަކީ އޯގާތެރި ސަރުކާރެއް ކަމަށެވެ. އަދި އެ ސަރުކާރުގެ ތެރެއިން، މުޖުތަމައުގައި މާ ބޮޑު ސަމާލުކަމެއް ނުދެވި ތިބޭ މީހުންނަށްވެސް ޚާއްސަ ސަމާލުކަމެއް ދެއްވާނެ ކަމަށް މުޢިއްޒު ވިދާޅުވި އެވެ.
އެގޮތުން ޚާއްސަ އެހީއަށް ބޭނުންވާ މީހުން ހިމެނޭ ޢާއިލާ ތަކުގެ އަދަދު ގާތްގަނޑަކަށް 4000 އަށް އަރާކަން ފާހަގަކުރައްވައި މުޢިއްޒު ވިދާޅުވީ، ސިއްހީ ނިޒާމްގެ ތެރެއިން އެފަދަ މީހުންނަށާއި ކުދިންނަށް ދޭން ޖެހޭ ފަރުވާތައް ދިނުމަށް ހޭދަވާ ޚަރަދުތައް ވަރަށް ބޮޑުކަން މުޢިއްޒު ފާހަގަކުރެއްވި އެވެ.
"ކޮންމެ ތެރަޕީއަކަށް، ގާތްގަނޑަކަށް، 500-600 ރުފިޔާ. މަހަކު 18,000 ވަރަކަށް ފައިސާ ޚަރަދުކުރާންޖެހޭ ކޭސްތައް ވެސް އެބަހުރި. ދެން އޯޓީ/އޮޕަރޭޝަން ތިއޭޓަރ އަށްވެސް މަހަކު 4000 ރުފިޔާ ހޭދަކުރަންޖެހޭ. އެވްރެޖްކޮށް ސިވިލްސާވަންޓެއްގެ މުސާރައިގެ ބޮޑުބައި ހުސްވާނެ އެ ހިސާބުން."
ޑރ. މުހައްމަދު މުޢިއްޒު
މުޢިއްޒު ވިދާޅުވީ ސަރުކާރުން ނުކުޅެދުންތެރިކަން ހުންނަ ފަރާތްތަކަށް އެލަވަންސް ދިން ނަމަވެސް، އެ އެލަވަންސް އިން ހަގީގަތުގައި އެ ފަރާތްތަކަށް ނުފުދޭ ކަމަށާ، އެންމެންނަށް ހަމަހަމަ އުސޫލެއްގެ ގޮތުން ގާއިމް ކުރާ އޯގާތެރި ސަރުކާރެއްގައި އެހެން އެކަން އޮވެގެން ނުވާނެ ކަމަށެވެ.
އެހެންވީމާ އަޅުގަނޑު ދަންނަވާލަން ބޭނުންވަނީ, މިފަދަ ޢާއިލާތަކަށް، އިރާދަކުރެއްވިޔާ މި ކުރަންޖެހޭ ޚަރަދަށް ލުއެއް ގެނެސްދިނުމަށްޓަކައި، ޚާއްސަ އެލަވަންސް އެއް އަޅުގަނޑުމެން ތަޢާރަފް ކުރާނަން. އޭގެން އިރާދަކުރެއްވިޔާ އެ ލިބޭ މުސާރައިން، ކަންބޮޑުވެގެން، އެ ޚަރަދުތައް ނުކުރެވިގެން، ދެކޮޅު ނުޖެއްސި، އެހެން މަސައްކަތެއް ކުރަންޖެހިގެން އެ ފިކުރުގައި އުޅޭކަށް އިރާދަކުރެއްވިޔާ ނުޖެހޭނެ. އެވަރު ނުވާ ވަރުގެ އެލަވަންސް އެއް އިރާދަކުރެއްވިޔާ އަޅުގަނޑުމެން ހަމަޖައްސައިދޭނަން.
ޑރ. މުހައްމަދު މުޢިއްޒު
މީގެ އިތުރުން، ބަލި ޖެހުމުގެ ކުރިން އެބަލިން ރައްކާތެރި ވުމަށް ކުރަންޖެހޭ ކަންކަން ވެސް ކޮށްށ އެކަމަށްވެސް ޚާއްސަ ބަޖެޓެއް ކަނޑައަޅައި ބަލިޖެހޭ މިންވަރު މަދު ކުރެއްވުމަށްވެސް މަސައްކަތް ކުރައްވާނެ ކަމަށް ޑރ. މުޢިއްޒު ވިދާޅުވިއެެވެ.
ހަމައެހެންމެ، ހުރިހާ ވައްތަރެއްގެ ޑައިބެޓިކް ބައްޔަށް ވެސް ފަރުވާ ދެވޭނެ ފުރިހަމަ އިންތިޒާމެއް އެމަނިކުފާނުގެ ވެރިކަމެއްގައި ގާއިމް ކޮށްދެއްވާނެ ކަމަށް މުޢިއްޒު ވިދާޅުވިއެެވެ.
"ހަކުރު ބައްޔަށް ބަލާއިރު ސަރުކާރުގެ ހޮސްޕިޓަލްތަކުގައި އެކަޝީގެންވާ ވަރަށް ނުހުރެ ބޭނުންވާ ވަސީލަތްތަކެއް ލިބޭކަށް އަޅުގަނޑާއި ވަރަށް ގިނައިން ބައްދަލުކުރަން އާދޭ މިފަދަ އާއިލާތަކުން. މާލެ ހިމެނޭހެން ހޮސްޕިޓަލްތަކުގައި އަބަދު ނުހުރު ބޭނުންވާ އާލަތްތަކެއް. އެހެންވީމަ ވަރަށް ބޮޑު ތަކްލީފެއް އުފުލަން ޖެހެނީ. އަޅުގަނޑުމެންގެ ހެލްތް ކެއާ ސާވިސްގައި އިރާދަކުރެއްވިއްޔާ ހަކުރު ބަލީގެ ހުރިހާ ޓައިޕެއްގެ ހުރިހާ ބަލިތަކަށް، ބަލިމީހުންނަށް އެކަށީގެންވާވަރުގެ އާލަތްތައް ހުންނާނެ ކަމުގެ ޔަގީންކަން ހުންނާނެ ނިޒާމެއް ޔަގީންކޮށްދޭނަން." މުއިއްޒު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
