ރިޔާސީ އިންތިޚާބުގެ ދެވަނަ ބުރުގައި ރީ ރެޖިސްޓަރ ވާ މީހުންގެ އަދަދު ކުއްލިއަކަށް އިތުރުވުމާއި، އިންތިޚާބާއި ގުޅިގެން ހުރި ކަންބޮޑުވުންތައް ހިއްސާ ކުރަން އިދިކޮޅު ލީޑަރޝިޕް އިލެކްޝަންސް ކޮމިޝަނަށް ދިޔުމަށް ނިންމައިފި އެވެ. 

އިދިކޮޅުން އިލެކްޝަންސް ކޮމިޝަނަށް ދާން ހަމަޖެހިފައިވަނީ މިއަދު މެންދުރު 2:00 ގައި އިލެކްޝަންސް ކޮމިޝަންގެ މައި އޮފީހުގައެވެ. މި ބައްދަވުމާއި ގުޅޭ އިތުރު ތަފްސީލް ބައްދަލުވުމަށްފަހު ހިއްސާކުރައްވާނެ ކަމަށް އިދިކޮޅުުން ބުނެއެވެ. 

ރީ ރެޖިސްޓްރޭޝަން މައްސަލާގައި އިދިކޮޅުުން އީސީ އާއި ބައްދަލުކުރާއިރު، ރީ-ރަޖިސްޓްރޭޝަން އަށް ހުޅުވާލުމާއެކު، މިހާތަނަށް 25000 މީހުން ރީ-ރަޖިސްޓާކުރުމަށް ހުށައަޅާފައިވާކަމަށް އިލެކްޝަންސް ކޮމިޝަނުން ވަނީ ހާމަކޮށްފަ އެވެ.

Advertisement

އެހެން ނަމަވެސް، އެއީ ފޯމުތަކުގެ ޞައްހަކަމާއި މެދު ސުވާލު އުފެދޭކަމަށާއި، ރީ-ރެޖިސްޓްރޭޝަން ކުރިއަށްދާ ގޮތް ފާރަވެރިކަމާއެކު ބެއްލެވުމަށް އިދިކޮޅުން ވަނީ ރިޔާސީ އިންތިޚާބުގެ ކަންކަން ބައްލަވަމުން ގެންދަވާ އޮބްޒާވަރުންނާއި މަންދޫބުންނާއި އަދި ސިޔާސީ ޕާޓީތަކަށް ވެސް ގޮވާލައްވާފަ އެވެ. 

އެ ކަންބޮޑުވުންތަކާއެކު އިދިކޮޅު ކޯލިޝަނުން މިއަދު ބޭއްވި ޕްރެސް ކޮންފަރެންސްގައި ވާހަކަދައްކަވަމުން އިދިކޮޅު ކޯލިޝަން ވަގުތީގޮތުން ހިންގެވުމާއި ހަވާލުވެ ހުންނެވި ޕީއެންސީގެ ރައީސް އަބްދުއްރަހީމް އަބްދުالله ވިދާޅުވީ ރިޔާސީ އިންތިޚާބު އިބްރާހިމް މުޙައްމަދު ޞާލިހަށް ކާމިޔާބު ނުކުރެވޭނެކަން ސަރުކާރު ހިންގާ މައި ޕާޓީއަށާއި، ރައީސް ޞާލިހަށް ވެސް އެނގިވަޑައިގަންނަވާ ކަމަށެވެ. 

އެހެންކަމުން، ވާދަކޮށްގެން އިންތިޚާބުގެ ދެވަނަ ބުރުން ރައީސް ޞާލިހަށް ޑރ މުއިއްޒު ބަލިނުކުރެވޭނެކަން ރަނގަޅަށް އެނގިވަޑައިގަންނަވާތީ، މިހާރު މަސައްކަތްޕުޅު ކުރައްވަނީ ރިޔާސީ އިންތިޚާބު ވަގަށް ވަގައިގެން ސަރުކާރުގައި ދެމި ހުރުމަށްކަމަށް އަބްދުއްރަހީމް ވިދާޅުވި އެވެ. 

"މި ސަރުކާރަށް ރައްޔިތުން ބޮޑުތަނުން ނޫނެކޭ ބުނީމަ ދެން މިހާރު މި ދިމާކުރަނީ ގަދަކަމުން މި އިންތިޚާބު ވަގަށް ނަގަން. އެ ފުރުސަތު ރައްޔިތުން ދީގެން ނުވާނެ" އަދުރޭ ވިދާޅުވިއެެވެ.