އިންޑިޔާގެ މަހާރަސްތްރާގެ ސަތާރާ ޑިސްޓްރިކްޓުގައި ހުންނަ މިސްކިތެއްގެ ތެރޭގައި އިންޑިޔާގެ މުސްލިމް އިންޖިނިއަރަކު މަރާއިލައިފިއެވެ. 

އިންޑިޔާގެ ހައްދު ފަހަނަ އެޅި ހިންދޫން މަރައިލައިފައިވަނީ ނޫރުލް ހަސަން ނަމަކަށް ކިޔާ އިންޖިނިއަރެކެވެ. ހިންދޫން އޭނާ މަރާލައިފައިވަނީ މިސްކިތަކަށް ދިޔަ ހަމަލާއެއްގައެވެ.

ހިންދޫންގެ މިހަމަލާގައި ނޫރުލް ހަސަން މަރިވެފައިވާ އިރު އޭނާގެ އަންހެނުން އައިޝާ އިނީ ނޫރުލް ހަސަންގެ ދަރިއަކަށް ބަލިވެއެވެ.

Advertisement

ހަސަންގެ ބައްޕަ އަލްޖަޒީރާ އަށް ބުނެފައިވަނީ އޭނާގެ ދަރިފުޅުގެ މަރުވެފައިވާ ހަށިގަނޑު ފެނުމާއި އެކު އޭނާގެ މުޅި ދުނިޔެ ބަރުބާދުވެގެން ދިޔަ ކަމުގެ އިޙްސާސް ކުރެވުނު ކަމަށާއި، ލޮލުން ފެނުނު އެމަންޒަރު އަދިވެސް ޤަބޫލު ނުކުރެވޭ ކަމަށެވެ.

ކަންތައް ހިނގައިދިޔަ ގޮތް ކިޔައިދެމުން ހަސަންގެ ބޮޑުބޭބެ މުޙައްމަދު ސިރާޖް ބުނެފައިވަނީ އެހާދިސާ ހިނގައިދިޔަ ރޭ 8:30 ހާއިރު ހަސަން ދިޔައީ ޢިޝާ ނަމާދުގެ ޖަމާޢަތުގައި ބައިވެރިވުމަށް ގެޔާއި ކައިރިގައި ހުންނަ މިސްކިތައް ކަމަށެވެ.

އޭގެ އިރުކޮޅެއްފަހުން މުސްލިމުންނާއި ދެކޮޅު ހައްދުފަހަނަ އެޅި ހިންދޫން މިސްކިތުގެ ބޭރުގައި އިސްލާމްދީނާއި ދެކޮޅު ބަސްތަކުން އަދު ގަދަކުރަން ފެށި ކަމަށެވެ.

ހަސަންގެ ބޮޑުބޭބެ ބުނެފައިވަނީ މިސްކިތުގެ ބޭރަށް 200 އެއްހާ ހިންދޫން އެއްވެ އޮއްގަލުން ހަމަލާދީ ފައިވާ ކަމަށެވެ. އަދި އެހަމަލާތަކުގެ ސަބަބުން އެތަނުގައި ޕާކުކޮށްފައި ހުރި  ބައެއް ވެހިކަލްތައްވެސް ހަލާކުވެފައި ވާކަމަށެވެ.

މަންޒަރު ދުށް މީހަކު ބުނެފައިވަނީ ހަމަލާދިން ހިންދޫންގެ އަތުގައި ތޫނު ހަތިޔާރާއި، ދަގަނޑު ބުރިތަކާއި، ހިލަކޮޅު ކޮޅާއި ހަތިޔާރުގެ ގޮތުގައި ބޭނުން ކުރެވޭނެ ތަކެތި ހުރި ކަމަށެވެ.

ނޫރުލް ހަސަން އަށް ހަމަލާދީފައިވަނީ ދަނގަޑު ގަނޑަކުން ކަމަށާއި އަދި އޭނާގެ ބޮލަށް އެ ދަނގަޑު ގަނޑުން އެތައް ފަހަރަކު ހަމަލާދީފައިވާ ކަމަށެވެ.

މިސްކިތައް ދިން ހަމަލާތަކުގެ ސަބަބުން އިތުރު ފަނަރަ މީހަކުވެސް ވަނީ މަރުވެފައިކަމަށް އަލްޖަޒީރާގައި ބުނެފައިވެއެވެ.