އިންޑިޔާއިން ކެނެޑާގެ ރައްޔިތުންނަށް ވިސާ ދިނުން ހުއްޓާލައިފިއެވެ.

ކެނެޑާއާއި އިންޑިޔާ އާއި ދެމެދު އުފެދިފައިވާ ހަމަނުޖެހުން ތަކުގެ ސަބަބުން ވިސާ ދޫކުރުން ހުއްޓައިލައިފައިވާ އިރު އެދެޤައުމުގެ ދެމެދުގައި ހަމަނުޖެހުން މިވަގުތައް ވަނީ ވަރަށް ބޮޑު ވެފައެވެ.

އެގޮތުން އިންޑިޔާގައި ހުރި ކެނެޑާގެ ޑިޕްލޮމޭޓް އެޤައުމުން ބޭރުކޮށްލައިފައިވާއިރު، ކެނެޑާގައި ހުރި އިންޑިޔާގެ އިސް ޑިޕްލޮމޭޓަކުވެސް ވަނީ އެޤައުމުން ބޭރު ކޮށްފައެވެ.

Advertisement

އަދި މީގެ އިތުރުން އިއްޔެ އިންޑިޔާ ސަރުކާރުން ކެނެޑާއަށް ދިޔުމާއި ގޮސް އުޅުމުގައި ސަމާލުވުމަށް ވަނީ އިންޑިޔާގެ ރައްޔިތުންނަށް އިލްތިމާސް ކޮށްފައެވެ. އެއާއި ގުޅިގެން އޭގެ ޖަވާބެއްގެ ގޮތުން ކެނެޑާއިން ވަނީ ކެނެޑާއަކީ ރައްކާތެރި އަމާން ޤައުމެއް ކަމަށް ބުނެ ކެނެޑާގެ ރައްޔިތުން ދަތުރުކުރުމުގައި އިންޑިޔާއަށް މަޑު ކުރުމުގައި ޓެރަރިސްޓު ހަމަލާއެއް ދީފާނެތީ ޚާއްސަ ސަމާލުކަމެއް ދިނުމަށް އަންގައިފައެވެ.

އިންޑިޔާ އާއި ކެނެޑާއާއި ދެމެދު އުފެދިފައިވާ ހަމަނުޖެހުން ތަކަކީ ކެނެޑާގެ ރައްޔިތެއް ކަމަށްވާ ހަރްދީޕް ސިންހް ނިއްޖާރު ގެ މަރުގެ ފަހަތުގައި އިންޑިޔާގެ އަތެއް ވާ ކަމަށް ކެނެޑާގެ ބޮޑުވަޒީރު ޖަސްޓިން ޓްރޫޑޯ ވަނީ ވިދާޅުވެފައެވެ.

ހަރްދީޕް ސިންހް ނިއްޖާރަކީ ސިޚުންގެ ބާރު ހިންގާ ވަކި ދައުލަތެއް އުފެއްދުމަށް ގޮވާލައި ހިންގާ ހަރަކާތުގެ އިސް ލީޑަރެކެވެ.

އެ ހަރަކާތްތަކުގެ ސަބަބުން އެ އެކްޓިވިސްޓުންނާއި ދެކޮޅަށް ފިޔަވަޅު އެޅުމަށް އިންޑިޔާ ސަރުކާރުން ކެނެޑާއަށް ބާރުއަޅަމުން ދިޔަ ނަމަވެސް ކެނެޑާއިން އެކަމަށް ފިޔަވަޅެއް އަޅައިފައެއް ނުވެއެވެ.

ނިއްޖާރު މަރާލައިފައިވަނީ މިދިޔަ ޖޫން މަހުގެ 18 ވަނަ ދުވަހު، ބްރިޓިޝް ކޮލަމްބިއާގެ ސަރީގައި ހުންނަ ސިޚް ޓެމްޕަލްއެއްގެ ބޭރުގައި ހުއްޓައެވެ. ނިއްޖާރު މަރާލި އިރު އޭގެ އެތައް ދުވަހެއް ކުރިން އިންޑިޔާ އިން ވަނީ ނިއްޖާރަކީ ޓެރަރިސްޓެއް ކަމަށް ކަނޑައަޅައިފައެވެ.

ކެނެޑާއަކީ އިންޑިޔާ އާއި ނަސްލު ގުޅިފައިވާ 1.4 މިލިއަން މީހުން ދިރިއުޅެމުންދާ ޤައުމެކެވެ. އިންޑިޔާ އިން އެންމެ ގިނަ ދަރިވަރުން މަތީ ތަޢުލީމު ހާސިލް ކުރުމަށް ފޮނުވާ ޤައުމަކީވެސް ކެނެޑާއެވެ.