ކަޝްމީރުގެ މިނިވަން ކަމަށް ގޮވާލާ ލީޑަރު މިރްވައިޒް ޢުމަރް ފާރޫޤް ހަތަރު އަހަރު ޖަލުގައި ބަންދުކޮށް ބެހެއްޓުމަށްފަހު އޭނާ ޖަލުން މިނިވަން ކޮށްފިއެވެ.

މިރްވައިޒް އަކީ އިންޑިޔާގެ ބާރުގެ ދަށުގައި އޮތް ކަޝްމީރުގެ ބައިގެ މިނިވަންކަމަށް އެދި ގޮވާލާ ހަރަކާތުގެ އިސް ލީޑަރެކެވެ.

ހަތަރު އަހަރު ޖަލުގައި ބެހެއްޓުމަށްފަހު މިރްވައިޒް ދޫކޮށްލުމަށްފަހު ހުކުރު ނަމާދު އިމާމްވެ ކުރުމުގެ ހުއްދަވެސް އޭނާއަށް ވަނީ ދީފައެވެ.

Advertisement

މިރްވައިޒް މިނިވަން ކުރުމުން އެސަރަހައްދުގެ ޢާންމުންވަނީ އޭނާއަށް ވަރަށް ހޫނު މަރުޙަބާއެއް ކިޔައިފައެވެ.

މިރްވައިޒްއަކީ އޯލް ޕާޓީ ހުއްރިއްޔަތް ކޮންފަރެންސް ގެ ޗެއަރމަން އެވެ. އެ ކޮންފަރެންސްއަކީ އިންޑިޔާ އާއި ޕާކިސްތާނުގެ ދެމެދުގައި އޮންނަ ކަޝްމީރާއި ގުޅޭ ހަމަނުޖެހުން ތަކާއި ގުޅިގެން ކަޝްމީރު މިނިވަންކުރުމަށް ގޮވާލައި ވަކާލާތު ކުރާ ކޮންފަރެންސްއެކެވެ.

އިންޑިޔާ ފުލުހުން އޭނާ ހައްޔަރު ކޮށްފައިވަނީ 4 އޮގަސްޓު 2019 ވަނަ ދުވަހުއެވެ.

އެއާއި ޖެހިގެން އައި ދުވަހު އިންޑިޔާ ފުލުހުން ވަނީ އެތައްހާސް ބަޔަކު ހައްޔަރު ކޮށްފައެވެ. އޭގެ ތެރޭގައި ހިމެނެނީ އިންޑިޔާގެ ފުންނާބު އުސް ސިޔާސީ މީހުންނާއި ވަކިވެގަތުމަށް ދައުވާ ކުރަމުންދިޔަ މީހުންގެ އިސް ލީޑަރުންނާއި، ވަކީލުން އަދި ކަޝްމީރަށް އިންޑިޔާ ފުލުހުން ދިން ގެއްލުންތަކާއި ދެކޮޅަށް އަޑު އުފުލި އެތައް ބަޔަކު ހިމެނެއެވެ.

ހަތަރު އަހަރު ޖަލުގައި ހުރެ މިނިވަން ވުމަށް ފަހު މިރްވައިޒް ބުނެފައިވަނީއޭނާގެ މިނިވަން ކަމާއި ހުރިހާ ހައްޤުތަކެއް އެދުވަސް ވަރު އޮތީ ގެއްލިފައި ކަމަށެވެ.