މިއަދު ކުރިއަށްދާ ރިޔާސީ އިންތިހާބުގެ ދެވަނަބުރުގެ ވޯޓުގައި ކުރީގެ ރައީސް ޔާމީން އަބްދުލް ޤައްޔޫމް ވޯޓު ލައްވައިފިއެވެ. 

އެ މަނިކުފާނު ވޯޓު ލައްވައިފައިވަނީ މާފުށީ ޖަލުގައި ބެހެއްޓިފައިވާ ވޯޓު ފޮށްޓަށެވެ. 

ރިޔާސީ އިންތިހާބުގެ ފުރަތަމަ ބުރުގައި އެމަނިކުފާނު ވޯޓު ލައްވާފައެއް ނުވެއެވެ. އަދި ވޯޓު ލެއްވުމަށް ރީ-ރެޖިސްޓްރީވެސް ކުރައްވާފައެއް ނުވެއެވެ.

ރިޔާސީ އިންތިހަބުގެ ދެވަނަ ބުރު މިއަދު ހެނދުނު ފަށައިގެން ކުރިއަށްދާއިރު، އިދިކޮޅު ކޯލިޝަންގެ ކެންޑިޑޭޓެއްގެ ގޮތުގައި ވާދަކުރައްވަނީ ޑރ. މުހައްމަދު މުއިއްޒެވެ. އަދި އެމްޑީޕީ ކޯލިޝަންގެ ކެންޑިޑޭޓެއްގެ ގޮތުގައި ވާދަކުރައްވަނީ ރައީސް އިބްރާޙިމް މުހައްމަދު ސޯލިހެވެ.

އިންތިހާބުގެ ވޯޓުލުން މިއަދު ހެނދުނު 8:00 އިން ފެށިގެން ކުރިޔަށް ދާއިރު ހަވީރު 5:00 ގެ ނިޔަލަށް ވޯޓުލުން ކުރިއަށް ދާނެއެވެ.