ފަލަސްޠީނުގެ ޣައްޒާއިން ފަލަސްޠީނުގެ ބިމުން އިޒްރާއިލްގެ ޔަހޫދީން ގަދަކަމުން ވެރިވެގަނެފައިވާ ސަރަހައްދަށް ރޮކެޓް ހަމަލާތަކެއް ދޭން ފަށައިފިއެވެ.
މިހަހަމަލާތައް ދެމުން ގެންދަނީ ފަލަސްޠީނުގެ މިނިވަންކަމަށް ހަނގުރާމަ ކުރަމުންދާ ހަނގުރާމަ ވެރިން ތަކެކެވެ.
ފަލަސްޠީނުގެ ޣައްޒާއިން އިޒްރާއިލް ރައްޔިތުން ދިރިއުޅޭ ސަރަހައްދުތަކަށް ދެމުންދަ މިހަމަލާ ތަކުގެ ރައްކާތެރި ކަމުގެ ފިޔަވަޅެއްގެ ގޮތުން ޣައްޒާގެ ޔުނިވާސިޓީ ކޮލެޖް ތަކާއި ސްކޫލްތަކާއި ޕްރީސްކޫލް ތައްވެސް ވަނީ ބަންދުކޮށްފައެވެ.
އަމިއްލައަށް ތައްޔާރު ކޮށްފައިވާ އެތައް ބައިވަރު ރޮކެޓް ތަކެއް ބޭނުންކޮށްގެން ޣައްޒާއިން އިޒްރާއިލްގެ ރައްޔިތުން އުޅޭ ސަރަހައްދަށް ވައިގެ ހަމަލާދޭ މަންޒަރުތައް ދައްކުވައިދޭ ވީޑިއޯ ތައް ދަނީ ސޯޝަލް މީޑިއާ ގައި ދަނީ ދައުރުވަމުންނެވެ.
މިހާތަނަށް ލިބިފައިވާ މައުލޫމާތުން އެނގޭ ގޮތުގައި އިޒްރާއިލް ސިފައިންގެ 10 މީހަކު ވަނީ މަރުވެފައެވެ. އަދި އެތައް ބަޔަކު ޒަހަމްވެސް ވެފައިވެއެވެ.
އަމިއްލަ އަށް ތައްޔާރު ކޮށްފައިވާ ފަސް ހާހެއްހާ ރޮކެޓް، އިޒްރާއިލް މީހުން ނަށް ހަމަލާ ދިނުމަށް މިހަތަނަސް ބޭނުން ކުރެވިފައިވާ ކަމަށާއި މިހަމަލާތަކަކީ އިޒްރާއިލުން ފަލަސްތީނުގެ ރައްޔިތުންނާއި މެދު ހިންގާފައިވާ ލާއިންސާނީ ޢަމަލުތަކަށް ދޭ ރައްދެއް ކަމަށް އަލް ޤަސަމް ބްރިގޭޑިއަރސް ގެ ލީޑަރު މުޙައްމަދު ދައިފް ވިދާޅުވެފަވަކަމަށް އަލްޤުދުސް މީޑީއާގައި ބުނެފައިވެއެވެ.
Advertisement
This content is created and paid for by advertisers and does not involve Voice Journalists
