ފަލަސްޠީނުގެ މިނިވަންކަމަށް ހަނގުރާމަ ކުރާ ފަރާތްތަކުން އިޒްރާއިލް މީހުން ދިރިއުޅޭ ހިސާބަށް ދިން ރޮކެޓް ހަމަލާތަކުގެ ރައްދު ދިނުމުގެ ގޮތުން އިޒްރާއިލް ސިފައިން ހަމަލާތައް ދޭން ފަށައިފިއެވެ.

ޤުދުސް ނެޓްވޯކުން ބުނެފައިވަނީ އިޒްރާއިލުން ޣައްޒާ އަށް ވައިގެ މަގުން ހަމަލާތަން ދޭން ފަށައިފައިވާ ކަމަށެވެ.

މީގެ އިތުރުން ފަލަސްޠީނުގައި ދިރިއުޅޭ އިޒްރާއިލް ރައްޔިތުން އުޅޭ ސަރަހައްދާއި ފަލަސްޠީނުގެ ރައްޔިތުން އުޅޭ ސަރަހައްދާއި ވަކިކުރުމަށް އޮންނަ ބޯޑަރު ސަރަހައްދުގައި ބަޑީގެ ހަމަލާތައް ދަނީ ބަދަލު ކުރެވެމުންނެވެ.

Advertisement

ބަދަލުކުރެވެމުންދާ ބަޑީގެ ހަމަލާތަކުގެ ސަބަބުން ފަލަސްޠީނުގެ ހަތަރު މީހަކު ވަނީ ޝަހީދުވެފައެވެ. އަދި މީގެ އިތުރުން ފަސް މީހަކު ވަނީ ޒަޚަމްވެފައެވެ.

އިޒްރާއިލުން ބުނެފައިވަނީ ހެނދުނު 6:30 ފެށިގެން 2،200 ރޮކެޓްގެ ހަމަލާއެއް އިޒްރާއިލް ރައްޔިތުން އުޅޭ ސަރަހައްދަށް އަރައިފައިވާ ކަމަށެވެ.

ފަލަސްޠީނުގެ މިނިވަންކަމަށް ހަނގުރާމަ ކުރާ  ހަނގުރާމަ ވެރިން އިޒްރާއިލަށް ދޭން ފެށި ހަމަލާތަކުގެ ރައްދުގައި އިޒްރާއިލުން ފަށައިފައިވާ ހަމަލާތަކަށް ނަން ދީފައިވަނީ "އޮޕަރޭޝަން އަޔަން ސްވޯޑްސް" ގެ ނަމުންނެވެ.

ފަލަސްޠީނުން އިޒްރާއިލަށް ދިން ހަމަލާތައް، ޔޫރަޕްގެ ޤައުމަތަކުން ދަނީ ކުށްވެރިކުރަމުންނެވެ.