ފަލަސްޠީނުގެ މިނިވަން ކަމަށްޓަކައި ހަނގުރާމަ ކުރަމުންދާ ހަނގުރާމަ ވެރިން އިއްޔެ އިޒްރާއިލުން، ފަލަސްޠީނުގެ ބިމުގައި ދިރިއުޅޭ ސަރަހައްދައް ދިން ހަމަލާތަކުގެ ރައްދެއްގެ ގޮތުގައު ބާރުގަދަ ދިގުދެމިގެންދާ ހަމަލާތަކެއް ދޭނެ ކަމަށް އިޒްރާއިލްގެ ބޮޑުވަޒީރު ނަތަންޔާހޫ ބުނެފިއެވެ.

ފަލަސްޠީނުގެ ހަނގުރާމަ ވެރިން ދޭން ފެށި ހަމަލާތަކުގެ ބަދަލު ހިފާނެ ކަމަށް ބުނެ ނަތަންޔާހޫ ކޮށްފައިވާ ޓްވީޓެއްގައި ބުނެފައިވަނީ މިހަނގުރާމަ  ފެށުމަށް މަޖުބޫރުކުރީ ހަމާސް ގެ ހަމަލާތައް ކަމަށެވެ. އަދި އެމީހުން ބޭނުންވާ ހިސާބަށް ވާސިލް ވެވުމަށް ދާންދެން ހަމަލާތައް ދިނުން ކުރިއަށް ގެންދާނެ ކަމަށާއި، އިޒްރާއިލުގެ ރައްޔިތުންގެ ރައްކާތެރިކަން ކަށަވަރު ވަންދެން ހަމަލާތައް ކުރިއަށް ގެންދާނެ ކަމަށެވެ. ނަތަންޔާހޫ ބުނެފައިވަނީ އިޒްރާއިލަށް ނަޞްރު ލިބޭނެ ކަމަށެވެ.

އިޒްރާއިލުން ވަނީ ޣައްޒާއަށް އެމީހުން ދޫކުރާ ކަރަންޓު ކަނޑައިލައިފައެވެ. އަދި ޣައްޒާގައި ފަލަސްޠީނުގެ އެތައް ރައްޔިތުންނެއް ދިރިއުޅެމުންދާ ސަރަހައްދަށް ބޭނުންވާ ކާނާއާއި ބޯފެން އަދި ތެޔޮ ނުލިބޭ ގޮތް އިޒްރާއިލުން ވަނީ ހަދައިފައެވެ.

Advertisement

އިޒްރާއިލުން ވަނީ ރޭ ފަތިހު ވަރުގަދަ ބޮމުގެ ހަމަލާތަކެއް ފަލަސްޠީނަށް ދީފައެވެ.

އެގޮތުން ފަލަސްޠީނުގެ ރައްޔިތުން ދިރިއުޅޭ އަދި ގިނަ ޢަދަދެއްގެ އޮފީސް ތަކެއް ހިންގާ 11 ފަންގިފިލާގެ ޓަވަރަކަށް ދިން ހަމަލާތަކެއްގައި އެ ޓަވަރު ވަނީ އެއްކޮށް ބިމާއި ހަމަވެފައެވެ.

ޤުދުސް ނެޓްވޯކުން ބުނެފައިވަނީ އިޒްރާއިލްގެ ބޮމުގެ ހަމަލާތައް މީހުން ދިރިއުޅޭ އެތައް ޢިމާރާތަކަށް އަމާޒުކޮށް ފޮނުވައިލައިފައި ވާކަމަށެވެ. މީގެ އިތުރުން އިޒްރާއިލްގެ ރޭގެ ހަމަލާތަކުގެ ސަބަބުން ކުޑަކުއްޖަކު ހިމެނޭހެން 7 މީހަކު ޝަހީދު ވެފައިވާ ކަމަށެވެ.