ފަލަސްޠީނުގެ މައްސަލައަކީ މުޅި އިސްލާމީ އުންމަތާއި ގުޅުން ހުރި މައްސަލައެއްކަމަށް ހޯމް މިނިސްޓަރ ޢިމްރާން އަބްދުالله ވިދާޅުވެއްޖެއެވެ.

ޢިމްރާން މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.

ޢިމްރާން ވިދާޅުވީ ފަލަސްޠީނުގެ މައްސަލައަކީ މުޅި އިސްލާމީ އުންމަތާއި ގުޅުން ހުރި މައްސަލައެއް ކަމަށެވެ. އަދި ފަލަސްޠީނުގެ ރައްޔިތުން ޙާލުގައި ޖެހި ކާނެ އެއްޗެއް، ބޭސްކުރާނެ ގޮތެއް ނެތި މަރުވާން ދޫކޮށްލައިފައި ބަލައިގެން ތިބުމަކީ މުއުމިނުންގެ ހިތައް ކުޅަދާނެ ވާނެ ކަމެއް ނޫން ކަމަށް ޢިމްރާން ވިދާޅުވިއެވެެ.

Advertisement

ޢިމްރާންގް ޓްވީޓުގައި ވަނީ ފަލަސްޠީނުގެ ރައްޔިތުންނަށް އެހީވުމަށް ގޮވައިލައިފައެވެ.

ފަލަސްޠީނުގެ މިނިވަންކަމަށްޓަކައި ހަނގުރާމަ ކުރާ ފަރާތްތަކުން އިއްޔެ އިޒްރާއިލަށް ދިން ހަމަލާތަކުގެ ސަބަބުން އިޒްރާއިލުން ވަނީ ހަނގުރާމަ އިއުލާނު ކޮށް ބާރުގަދަ ހަމަލާތަކެއް ދޭން ފަށައިފައެވެ. ރޭ ދަންވަރުން ފެށިގެން ދެމުން ދިޔަ ވައިގެ ހަމަލާތަކުގެ ސަބަބުން އެތައް ޢިމާރާތެއް ވެއްޓި ބަޔަކު ޝަހީދުވެ އެތައް ބަޔަކު ވަނީ ބޯހިޔާ ވަހިކަން ވަނީ ގެއްލިފައެވެ.