ފަލަސްޠީނު އަނެއްކާވެސް އޮތީ ކުއްލި އެހީއަށް ބޭނުންވެފައި ކަމަށާއި، އެހީ ފޯރުކޮށްދިނުމަށް މިހާރު ހުޅުވާލެވިފައިވާ ކަމަށް އިންޓަރ ނޭޝަނަލް އެއިޑްސް ކެމްޕޭނުން ބުނެފިއެވެ.

އައިއޭސީ އިން ބުނީ އަނެއްކާވެސް ގިނަ ބަަޔަކު އެންމެ ލޯބިވާ ފަލަސްޠީން އޮތީ އެމަރޖެންސީ ހާލަތުގައި ކަމަށާއި ކުއްލި އެހީއަށް ބޭނުން ޖެހިފައި ކަމަށެވެ.

އައިއޭސީ އިން ބުނީ ޣައްޒާގެ ހިތްވަރުގަދަ ރައްޔިތުން އެތަކެއް ޒަމާން ވަންދެން އެ ތަހައްމަލު ކުރާ ޔަހޫދީންގެ އަނިޔާވެރިކަން އަބަދުވެސް ފެންނަކަމަށެވެ. އަދި ފަލަސްޠީނުން އެހީއަކަށް އެދި ގޮވާލި ކޮންމެ ފަހަރަކު މުޅި ދުނިޔޭންވެސް އަދި ހާއްސަކޮށް ދިވެހީން ދައްކާފައިވަނީ ރީތި މިސާލެއްކަމަށެވެ.

ހޮސްޕިޓަލްތަކާއި އާންމުންގެ އެންމެ ޒަރުރީ ކަންކަމަށް އެހީވުމުގައި އައިއޭސީގެ ޣައްޒާ ރިލީފް ސެންޓަރުގައި ދަނީ އިއްޔެއިން ފެށިގެން މަސައްކަތް ކުރަމުން ކަމަށްވެސް އައިއޭސީއިން ވަނީ ބުނެފައެވެ.

ފަލަސްޠީނުގެ ދިފާޢުގައި ހަނގުރާމަ ކުރާ ފަލަސްޠީނުގެ ހަނގުރާމަވެރިން އިޒްރާއިލްގެ ރައްޔިތުން އުޅޭ ސަރަހައްދުތަކަށް ދިން ހަމަލާތަކުގެ ރައްދުގައި އިޒްރާއިލުން ދަނީ ފަލަސްޠީނުގެ ރައްޔިތުން އުޅޭ ސަރަހައްދަށް ހަމަލާތައް ދެމުންނެވެ. ފަލަސްޠީނުގެ ރައްޔިތުން ދިރިއުޅޭ ޢިމާރަތްތަކަށް އިޒްރާއިލް ސިފައިންގެ ޙަމަލާތައް އަރައި އެތައް ބަޔަކަށް ވަނީ ބޯހިޔާވަހިކަން ގެއްލިފައެވެ. 

އަދި އިޒްރާއިލްގެ ހަމަލާތަކުގައި ފަލަސްޠީނުގެ 7 މީހަކު ވަނީ ޝަހީދުވެފައެވެ. 

އެގޮތުން އެހީފޯރުކޮށްދެއްވަން ބޭނުންވާ ފަރާތްތަކުން އައިއޭސީގެ އެކަންޓަށް ފައިސާ ޓްރާންސްފަރ ކުރުމަށް ވަނީ ހުޅުވާލެވިފައެވެ.

އެހީ ފޯރުކޮށްދިނުމަށް:

ބީއެމްއެލް އިސްލާމިކް

އެކައުންޓް ނަމްބަރު: 7770000062741

އެކައުންޓް ނަން: International Aid Campaign

އެކައުންޓް ލޭބަލް: IAC | EMERGENCY