ފަލަސްޠީނުގެ ހަމާސްގެ ހަނގުރާމަވެރިންނާއި އިޒްރާއިލްގެ ޔަހޫދީންނާއި މެދު ހިނގަމުންދާ ހަނގުރާމައިގެ ތެރެއިން ޣައްޒާގެ ބިން ދޫކޮށް ދިޔުމަށް ޣައްޒާގެ ރައްޔިތުންނަށް އިޒްރާއިލްގެ ޔަހޫދީން އަންގަމުން އެބަދެއެވެ.
އިޒްރާއިލްގެ ބޮޑުވަޒީރު ނަތަންޔާހޫ ވަނީ ޣައްޒާގެ ރައްޔިތުންނަށް ޣައްޒާ ދޫކޮށް ދިޔުމަށް އަންގައިފައެވެ. ނަތަންޔާހޫ ބުނެފައިވަނީ ޣައްޒާގެ ބިމުގައި ހުރި ޢިމާރާތްތައް ބިމާއި ހަމަކޮށް އެތައް ސަހަރާއަކަށް ހަދާލާނެ ކަމަށެވެ.
ޣައްޒާގެ އަލް ދަރަޖް ނެއިބަރހުޑްގައި ދިރިއުޅޭ ރައްޔިތުންނަށް އިޒްރާއިލްގެ ޔަހޫދީން އަންގައިފައިވަނީ އެސަރަހައްދު ދޫކޮށް ދިޔުމަށެވެ.
ޔަހޫދީ ސިފައިން ބުނެފައިވަނީ އަލް ދަރަޖްގެ ޢާންމުންނާއި މެދުގައި އެއްވެސް ދެކޮޅުވެރިކަމެއް ނެތް ކަމަށެވެ. އެމީހުންނަށް އެތަނުން ނުކުތުމަށް އަންގަމުން ދަނީ އެރައްޔިތުންގެ ރައްކާތެރި ކަމަށްޓަކައި ކަމަށް އިޒްރާއިލް ސިފައިން ވަނީ ބުނެފައެވެ.
އިޒްރާއިލް ގެ ސަރުކާރުން މިހާރު ވަނީ ފަލަސްޠީނުގެ ހަނގުރާމަވެރިންނާއި ދެކޮޅަށް ހަނގުރާމަ އިޢްލާނުކޮށްފައެވެ.
އިޒްރާއިލްގެ ޔަހޫދީން މިހާރު ވަނީ ޢާންމުންނާއި ކުޑަ ކުދިންގެ ސަލާމަތައް ކަމަށްބުނެ ސްކޫލްތައް ވެސް ބަންދުކޮށްފައެވެ.
އިޒްރާއިލްގެ ޔަހޫދީން މިހާރު ވަނީ ޢާންމުންނާއި ކުޑަ ކުދިންގެ ސަލާމަތައް ކަމަށްބުނެ ސްކޫލްތައް ވެސް ބަންދުކޮށްފައެވެ. ސޯޝަލް މީޑީއާގައި ދައުރުވަމުންދާ ބައެއް ވީޑީއޯ ތަކުގައި އިޒްރާއިލް ރައްޔިތުން ފަލަސްޠީނުގެ ބިން ދޫކޮށް ފުރަމަށް އެއަރޕޯޓަށް ގޮސް ތިބި މަންޒަރު ދަނީ ފެންނަމުންނެވެ.
Advertisement
This content is created and paid for by advertisers and does not involve Voice Journalists
