ފަލަސްޠީނުގެ މިނިވަންކަމަށްޓަކައި ހަނގުރާމަ ކުރަމުން އަންނަ ހަނގުރާމަވެރިން ރަޙީނުކުރި އިޒްރާއިލް ޔަހޫދީންގެ ޢަދަދު 800 އަށް އަރައިފައިވާ ކަމަށް ޔަހޫދީންގެ ޚަބަރުފަތުރާ ވަޞީލަތް ތަކުން ބުނެފިއެވެ.
ހޮނިހިރު ދުވަހު ހަމާސް އިން ފެށި ހަމަލާތަކާއި ގުޅިގެން އިޒްރާއިލްގެ ޔަހޫދީން ދަނީ އޭގެ ރައްދެއްގެ ގޮތުގައި ޣައްޒާއަށް ނުރައްކާތެރި ހަމަލާތަކެއް ދެމުންނެވެ.
ހޮނިހިރު ދުވަހު ހަމާސް އިން އިޒްރާއިލްގެ ޔަހޫދީން އުޅޭ ސަރަހައްދުތަކަސް ދިން ހަމަލާތަކަށް ފަހު ހަމާސްގެ ހަނގުރާމަވެރިން ދަނީ އިޒްރާއިލްގެ ޔަހޫދީންނާއި ބަޑިން ހަނގުރާމަ ކުރަމުންނެވެ.
އަލް ޤައްސާމް ބްރިގޭޓްސް އިން ސޯޝަލް މީޑިއާގައި ޢާންމު ކޮށްފައިވާ ވީޑިއޯއެއްގައި އިޒްރާއިލްގެ ފައްޖާ މިލިޓަރީ ކޭމްޕް އަށް ފަލަސްޠީނުގެ ހަނގުރާމަވެރިން ހަމަލާތައް ދޭން ފެށުމުން އިޒްރާއިލްގެ ޔަހޫދީން ފިލައި ބޮނދާތަން ފެނިގެންދެއެވެ.
ހަނގުރާމަވެރިން އިޒްރާއިލްގެ ޔަހޫދީ އަންހެން ވެރިން އެމީހުންގެ ބެލުމުގެ ދަށަށް ގެންދިޔަ ކަމުގައިވިޔަސް ހަނގުރާމަވެރިން އަންހެން ވެރިންނަށް އެއްވެސް ގޯނާއެއް ކުރުމަށް ދަނީ ދެކޮޅު ހަދަމުންދާ މަންޒަރު ދައްކުވައިދޭ ވީޑިއޯތައް ދަނީ ދައުރުވަމުންނެވެ.
Advertisement
This content is created and paid for by advertisers and does not involve Voice Journalists
