ސަޢުދީޢަރަބިއްޔާ އިން އަބަދުވެސް ފަލަސްޠީނުގެ ރައްޔިތުންނާއި އެކު ތިބޭނެ ކަމުގެ ޔަޤީންކަން ސަޢުދީޢަރަބިއްޔާއިން ބުނެފިއެވެ.
ސަޢުދީ ގެ ވަލީއަޙުދު މުޙައްމަދު ބިން ސަލްމާނާއި ފަލަސްޠީނުގެ ރައީސް މަޙްމޫދް ޢައްބާސް ފޯނުން ގުޅުއްވައި ވަނީ ވާހަކަފުޅު ދައްކަވައިފައެވެ.
ދެބޭފުޅުން ފޯނުން ދެއްކެވި ވާހަކަފުޅުގައި ޣައްޒާގައި ހިނގަމުންދާ ހަނގުރާމައިގައި ހިނގަމުންދާ ކަންކަމާއި މެދު ވަނީ މަޝްވަރާކުރައްވައިފައެވެ.
ސަޢުދީ ވަލީއަހުދާއި މަޙްމޫދް ޢައްބާސް އާއި ދެމެދު ދެކެވުނު ވާހަކަގައި ޣައްޒާގައި ހިނގަމުންދާ އިންސަނިއްޔަތާއި ޚިލާފް ކަންކަން މުޅި ސަރަހައްދަށް ފެތުރުނަނުދީ ހުއްޓުވުމަށްޓަކައި ކުރެވޭނެ ކަންކަންމާއި ގުޅޭ ގޮތުން ވަނީ މަޝްވަރާ ކުރައްވައިފައެވެ.
އަދި ސަޢުދީ ސަރުކާރުން އަބަދުވެސް ތިބޭނީ ފަލަސްޠީނުގެ ރައްޔިތުންނާއި އެކުގައި ކަމަށް ސަޢުދީގެ ވަލީ އަހުދު ވަނީ ވިދާޅުވެފައެވެ.
ފަލަސްޠީނުގެ މިނިވަންކަމަށްޓަކައި ހަނގުރާމަ ކުރަމުން އަންނަ ހަނގުރާމަވެރިން ހޮނިހިރުދުވަހު އިޒްރާއިލުގެ ޔަހޫދީންނަށް ދިން ކުއްލި ހަމަލާތަކުގެ ރައްދެއްގެ ގޮތުން އިޒްރާއިލުން ދެމުންދާ ހަމަލާތަކުގެ ސަބަބުން މިހާތަނަށް ފަލަސްޠީނުގެ އެތައް ބަޔަކު ވަނީ ޝަހީދުވެފައެވެ.
ޣައްޒާއަށް އިޒްރާއިލުން ދޭން ފަށައިފައިވާ ހަމަލާތަކުގެ ސަބަބުން ޝަހީދުވި މީހުންގެ ޢަދަދު 704 އަކަށް އަރައި އެކިވަރިގެ ޒަޙަމް ލިބުނު މީހުންގެ ޢަދަދު 3900 އިން މައްޗަށް އަރައިގެން ގޮސްފައިވާ ކަމަށް ފަލަސްޠީނުގެ ސިއްޚީ ވުޒާރާއިން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
