ފަލަސްޠީނުގެ މިނިވަން ކަމަށްޓަކައި ހަނގުރާމަ ކުރަމުންދާ ހަނގުރަމަވެރިންނާއި އިޒްރާއިލްގެ ޔަހޫދީންނާއި ކުރަމުންދާ ހަނގުރާމައިގައި އިޒްރާއިލުން ދޭ ހަމަލާތައް މެޑިކަލް އޮފިސަރުންނަށް އަމާޒުކޮށް ދޭން ފަށައިފިއެވެ.

އިޒްރާއިލުން ދެމުންދާ ނުރައްކާތެރި ހަމަލާތަކުގެ ސަބަބުން ފަލަސްޠީނުގެ އެތައް ބަޔަކު ވަނީ ޝަހީދުވެފައެވެ. އިޒްރާއިލް ސިފައިންގެ ހަމަލާތައް ޣައްޒާގެ އެކި ކަންކޮޅުތަކުގައި ހަރަކާތް ތެރިވަމުންދާ ސިވިލް ޑިފެންސް އޮފޮސަރުންނަށްވެސް ދަނީ އަމާޒުކުރަމުންނެެވެ.

ހަނގުރާމަ ތަކުގައި ކުޑަކުދިންނަށް އަމާޒުކޮށް ހަމަލާދިނުމަކީ ބައިނަލްއަޤްވާމީ ޤާނޫނުތަކުން މަނާކޮށްފައިވާ ކަމެއް ކަމުގައިވިޔަސް އިޒްރާއިލްގެ ހަމަލާތަކުގައި އެންމެ ގިނައިން ޝަހީދުވެފައިވަނީ ޣައްޒާގެ ކުޑަކުދިން ކަން ފާހަގަ ކޮށްލަން ޖެހެއެވެ.

ހަނގުރާމައިގެ މަންޒަރުތަކާއި ޚަބަރުތައް ކަވަރު ކުުރުމަށް މަސައްކަތް ކުރި ފަސް ނޫސްވެރިޔަކުވެސް މިހާރުވަނީ ޝަހީދުވެފައެވެ.

ޣައްޒާގެ އާންމުންނަށް އަމާޒުކޮށް އިންސާނިއްޔަތާއި ޚިލާފު އެތައް ހަމަލާތަކެއް އިޒްރާއިލްގެ ޔަހޫދީން ދެމުންދާއިރު އިޒްރާއިލްގެ ބޮޑުވަޒީރު ވަނީ އެމީހުންގެ ޢަމަލުތަކާއި މެދު ބޮޑާއި ކަމާއި އެކު އުފާފާޅު ކޮށްފައެވެ. އަދި ކުރެވެމުންދާ ހަނގުރާމަ ކާމިޔާބު ކުރާނީ އެމީހުން ކަމަށް ނަތަންޔާހޫ ވަނީ ބުނެފައެވެ.