އިންތިޚާބުގެ ކަންކަން ބެއްލެވުމަށް އީޔޫއިން ދެއްވި ސަމާލުކަމަށް އިންތިޚާބީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝުކުރު އަދާކުރައްވައިފިއެވެ.

އިބްތިހާބީ ރައީސުލްޖުމްހޫރިއްޔާ ޑރ. މުޢިއްޒު އަދި އިންތިޚާބީ ނައިބު ރައީސް މިއަދު ވަނީ ޔޫރަޕިއަން ޔޫނިއަން އޮބްޒާވަރ މިޝަންއާއި މިއަދު ބައްދަލުކުރައްވައި، އިންތިޚާބުގެ ކަންކަން ބެއްލުވުމަށް އީޔޫ އިން ދެއްވި ސަމާލުކަމަށް ޝުކުރުއަދާކުރައްވާފައެވެ. މި ބައްދަލުވުނުގައި، އޮބްޒާވަރ މިޝަންގެ މަސައްކަތްތަކުގެ ސަބަބުން، އިންތިޚާބުތަކާ ގުޅޭ ކަންކަން އިތުރަށް ހަރުދަނާވެގެންދިޔުމަށް އުއްމީދުކުރައްވާކަމަށް ޑރ. މުޢިއްޒު ވިދާޅުވިއެވެ.

މީގެ އިތުރުން އެ މަނިކުފާނުގެ ސަރުކާރުގައި، މިނިވަން މުއައްސަސާތަކުގެ ހިންގުން އިތުރަށް ހަރުދަނާކޮށް، މުސްތަޤިއްލުކަން ކަށަވަރުކުރުމަށް މަސައްކަތްކުރަވާނެކަމަށްވެސް ޑރ. މުޢިއްޒު ވިދާޅުވިއެވެ. 

Advertisement

ހަމައެޔާއެކު އިންތިޚާބުގެ ކަންކަމާއި އިންތިޤާލީ މަރުޙަލާގެ ކަންކަން އަމާންކަމާއި އޮމާންކަމާ އެކު ކުއިޔަށްދާކަން ފާހަގަކުރައްވައި، ޔޫރަޕިއަން ޔޫނިއަން އޮބްޒާވަރ މިޝަންއިން، އެކަންކަމަށް މަރުޙަބާ ދެންނެވިއެވެ.

މި ބައްދަލުވުމުގައި ރިޔާސީ އިންތީޚާބާ ގުޅޭ ގޮތުން ތައްޔާރުކުރައްވާފައިވާ ރިޕޯޓު، ޔޫރަޕިއަން ޔޫނިއަން އޮބްޒާވަރ މިޝަންއިން ވަނީ ޑރ. މުޢިއްޒުއަށް އަރުވާފައެވެ.