ފަލަސްތީނުގެ ހަމާސް ޖަމާއަތުގެ މުޖާހިދުންތަކެއް އިސްރާއީލަށް ވަދެ ދިން ހަމަލާތަކާގުޅިގެން ފަލަސްތީނުގެ މަސްރަހު ގޯސްވެގެން ދިއުމުގެ ޒިންމާ އުފުލަންޖެހޭނީ އިސްރާއީލުންކަމަށް ކަނޑައަޅައި އެމެރިކާގެ އެންމެ ޝަރަފްވެރި ޔުނިވަރސިޓީކަމުގައިވާ ހާވަރޑް ޔުނިވަރސިޓީގެ ކިޔަވާކުދިންގެ ޖަމްއިއްޔާއިން ނެރުނު ބަޔާންގެ މައްސަލަ އެމެރިކާގައި ވަރަށް ބޮޑުވެއްޖެއެވެ.
ސްޓޫޑަންޓް ޖަމްއިއްޔާއިންނެރުނު ބަޔާނެއްގައި ބުނެފައިވަނީ މިއަދު ޣައްޒާގައި އެހިނގަމުންދާ ކަމަކީ ވޭތުވެދިޔަ 20 އަހަރު ދުވަހުގެތެރޭގައި ފަލަސްތީނުގެ މިލިޔަނަކަށްވުރެ ގިނަ ރައްޔިތުންނަށް އަދަބުދިނުމަށް އޯޕަންއެއަރ ޖަލެއްގައި ބަންދުކޮށްފައި ބޭތިއްބުމާއި ފަލަސްތީނު ރައްޔިތގުންނާ ދެކޮޅަށް އިސްރާއީލުން ހިންގާފައިވާ ލާއިންސާނީ އަމަލުތަކުގެ ނަތީޖާ ކަމަށެވެ. ފަލަސްތީނު ރައްޔިތުންނާ ދެކޮޅަށް ގަތުލުއާއްމު ހިންގާފައިވާ ކަމަށާއި ޣައްޒާގައި އިސްރާއީލުން ހިންގާ ޖަރީމާތަކުން ސަލާމަތްވުމަށް އެމީހުންދާނެ އެއްވެސް މަގެއް އެއްވެސް ތަނެއް ނެތްކަމަށާއި ވޭތުވެދިޔަ 75 އަހަރުގެތެރޭގައި ފަލަސްތީނު ރައްޔިތުން އުޅެންޖެހިފައިވަނީ މިލާއިންސާނީ އަނިޔާތަކުގެތެރޭގައި ކަމަށެވެ. މިބަޔާން ނެރުމާއެކު ދުނިޔޭގެ ހުރިހާ ބޮޑެތި ނޫސްއެޖެންސީތަކުގެ ސަމާލުކަމަށް އައިސްފައިވެއެވެ.
މިބަޔާން ނެރުމުން ހާވަރޑް މުސްކުޅި ދަރިވަރުންގެ ތެރެއިން ބައެއް ފަރާތްތަކުން ބުނެފައިވަނީ މިބަޔާން ނެރުނު ކުދިންނާމެދު ފިޔަވަޅު އަޅަންޖެހޭނެ ކަމަށެވެ. ޔުނިވަރސިޓީންވެސް އެކުދިންނާމެދު ފިޔަވަޅު އަޅަންޖެހޭނެ ކަމަށެވެ. އަނެއްބަޔަކު ބުނަނީ ދަރިވަރުންގެ ބެލެނިވެރިން ލައްވައި ކުދިންނަށް ނަސޭހަތްދޭން ޖެހޭ ކަމަށެވެ. ދެންތިބި ބަޔަކު ބުނަނީ މިއީ ހާވަރޑްގައި ކިޔަވަމުންދާ މުސްލިމް ކުދިން އަޑީގައި ތިބެގެން ނެރުނު ބަޔާނަކަށް ވެދާނެ ކަމަށެވެ.
ކަން މިހެން އޮތް ނަމަވެސް ހާވަރޑްފަދަ ގަދަރުވެރި ޔުނިވަރސިޓީއެއްގެ ދަރިވަރުންގެ ހިތްތަކުގައި އިސްރާއީލުގެ ޖަރީމާތަކާމެދު މިބާވަތުގެ ޝުއޫރުތަކެއް ފާޅުވެގެންދިއުމުން މިއީ އެމެރިކާގެ އަންނަން އޮތް ޖީލުގެ ވިސްނުމަށް އަންނަ ބަދަލެއް ކަމަށް ބައެއް ތަޖުރިބާކާރުން ސިފަކުރެއެވެ.
ފަލަސްތީނާއި އިސްރާއީލާ ދެމެދު އެންމެ ފަހުން މިހާރު އުފެދުނު ހަމަނުޖެހުންތަކާއެކު ޔޫރަޕްގެ ވިސްނުން ދެބައި ވެފައިވެއެވެ. ފަލަސްތީނުގެ ބިންތައް ގަދަކަމުން އަތުލައި އިންސާނީ ހުރިހާ ހައްގަކުން އެރައްޔިތުން މަހްރޫމްކޮށް ދުނިޔޭގެ އެކިގައުމުތަކުން ޔަހޫދީންގެންގޮސް ފަލަސްތީނުގެ ބިންތަކުގައި ވަޒަންވެރިކޮށް ހިންގާ ލާއިންސާނީ އަމަލު ޔަހޫދީން މިހާތަނަށް ކޮންޓްރޯލްކުރަމުންދިޔަ މީޑިއާތަކާއި ނުލާވެސް އެމެރިކާއާއި ޔޫޕަރްގެ ރައްޔިތުންނަށް މިހާރު ސާފުކޮށް އެގެއެވެ.
ހަމަނުޖެހުން ބޮޑުވުމާއެކު އިސްރާއީލުން އަނެއްކާވެސް މިވަނީ ވަރަށް ލާއިންސާނީ ފިޔަވަޅެއް އަޅާފައެވެ. ޣައްޒާއަށް ދުނިޔޭގެ އެއްވެސް ދިމާއަކުން ކާބޯތަޗެއްޗާއި ފެނާއި އިސްރާއީލުގެ ހަމަލާތަކުގައި ޒަޚަމްވާ މީހުންނަށް ފަރުވާދެވޭނެ ބޭހުގެ ސާމާނު ނުވެއްދޭގޮތަށް ދެމިލިޔަން ރައްޔިތުން ބަންދުކޮށްފައެވެ. ކަރަންޓްދޭ އިންޖީނުގެތަކަށްވަނީ ބޮންއަޅާފައެވެ. އދވަނީ މިގޮތަށް އިންސާނުންނަށް އަނކިޔާވެރި ނުވެވޭނެކަމަށް ބުނެފައެވެ.
Advertisement
This content is created and paid for by advertisers and does not involve Voice Journalists
