ފަލަސްޠީނުގެ ރައްޔިތުންނަށްޓަކައި ރާއްޖޭގެ ހުރިހާ މިސްކިތެއްގައި ނަމާދު ތަކުގައި ޤުނޫތު ކިޔުމަށް އިސްލާމިކް މިނިސްޓްރީ އިން ނިންމައިފިއެވެ.
އިސްލާމިކް މިނިސްޓްރީ އިން ބުނެފައިވަނީ ފަލަސްޠީނުގެ މިނިވަންކަމަށްޓަކައި ހަނގުރާމަ ކުރަމުންދާ ފަލަސްޠީނުގެ ހަނގުރާމަވެރިންނާއި އިޒްރާލުގެ ޔަހޫދީންނާއި ދެމެދު ހިންގަމުންދާ ހަނގުރާމައިގައި ފަލަސްޠީނުގެ ނިކަމެތި ރައްޔިތުންނަށް ދިމާވަމުންދާ ލާއިންސާނީ އަނިޔާތަކުން ސަލާމަތްކޮށްދެއްވައި، އަމާންކަމާއި ކެތްތެރިކަމާއި ރައްކާތެރިކަން ދެއްވުން އެދި، ދިވެހިރާއްޖޭގެ މީހުން އުޅޭ ހުރިހާ ރަށެއްގައި ޤުނޫތު ނާޒިލާ ކިޔުމަށް ހަމަޖެހިފައިވާ ކަމަށެވެ.
އިސްލާމިކް މިނިސްޓްރީ އިން ވަނީ އަޑު ހަރުކޮށް ކިޔަވާ ނަމާދުތަކުގެ ފަހު ރަކުޢަތުގެ އިޢްތިދާލުގައި ޤުނޫތު ކިޔުމަށް ރާއްޖޭގެ ހުރިހާ އަތޮޅެއްގެ ހުރިހާ ރަށަކަށެއްގެ މިސްކިތްތަކެއްގެ އިމާމުންނަށް އަންގައިފައެވެ.
އިޒްރާއިލްގެ ހަމަލާތަކުގައި ޝަހީދުވި މީހުންގެ ޢަދަދު 900 އަށް އަރައިފައިވާ ކަމަށް ފަލަސްޠީނުގެ ސިއްޚީ ވުޒާރާއިން އެންމދެ ފަހުން ހާމަކުރި އަދާހަމަތަކުގައި ބުނެފައިވެއެވެ.
Advertisement
This content is created and paid for by advertisers and does not involve Voice Journalists
