ފަލަސްތީނުގެ ރައްޔިތުންނަށް އަމާޒުކޮށް އިޒްރޭލުގެ ޒަޔަނިސްޓް ހަރުކަށި ޔަހޫދީން ދެމުން ގެންދާ ހަމަލާތަކާއި ދެކޮޅު ހަދައި، ފަލަސްތީންގެ މިނިވަން ކަމަށް ތާއީދު ކުރާކަން ހާމަކުރުމުގެ ގޮތުން ދިވެހި ގައުމީ ދިފާއީ ބާރުގެ މައި ސްކްރީންގައި ފަލަސްތީނުގެ ދިދައިން ދިއްލާލައިފިއެވެ.
އިޒްރޭލުގެ ޒަޔަނިސްޓް ހަރުކަށި ޔަހޫދީން ދެމުން ގެންދާ ހަމަލާތަކާއި ދެކޮޅަށް މުޅި ރާއްޖެ ތެދުވެފައިވާ މި ދަނޑިވަޅުގައި ސިފައިންގެ މައި މަރުކަޒުގެ ސްކްރީނުން ފަލަސްތީނުގެ ދިދަ ފެންނާނެ ގޮތް ހަދާފައި ވަނީ އެކަން ކޮށް ދިނުމަށް ވަރަށް ގިނަ އާންމުން އެދެމުން ދަނިކޮށެވެ.
ސިފައިންގެ ބޮޑު ސްކްރީނަކީ އާންމުން ހޭލުންތެރިކުރުވާ ތަފާތު މެސެޖްތަކާއި އެކި މުނާސަބަތުތަކާއި ގުޅިގެން އެކަމާއި ގުޅޭ މެސެޖަކާއި އެކު ދިއްލާލާ ސްކްރީން އަކަށް ވާއިރު މީގެ ކުރިންވެސް އެ ސްކްރީން ވަނީ ފަލަސްތީނުގެ ރައްޔިތުންގެ ހައްގުގައި އަޑު އުފުލުމަށް އެކި ފަހަރު މަތިން ދިއްލާލާފައެވެ.
ފަލަސްތީނާއި އެ ގައުމަށް ގަދަކަމުން ވެރިވެގެންފައިވާ ޔަހޫދީންނާ ދެމެދު ހިނގަމުންދާ ހަނގުރާމައިގައި، ޔަހޫދީންގެ ހަމަލާތަކުގައި ޝަހީދުވި މީހުންގެ ޢަދަދު 900 އަށް އަރައިފައިވާ ކަމަށް ފަލަސްޠީނުގެ ސިއްޚީ ވުޒާރާއިން އެންމދެ ފަހުން ހާމަކުރި އަދާހަމަތަކުގައި ބުނެފައިވެއެވެ.
Advertisement
This content is created and paid for by advertisers and does not involve Voice Journalists
