ޕާކިސްތާނުން ރާއްޖެއައި ޕާކިސްތާނުގެ ރައްުޔިތަކު ރާއްޖެ އެތެރެކުރަން އުޅުނު ގިނަ ޢަދަދެއްގެ މަސްތުވާ ތަކެތި މޯލްޑިވްސް ކަސްޓަމްސް ސާވިސަސް އިން އަތުލައިގެންފިއެވެ.

ކަސްޓަމްސް އިން ބުނީ ވައިގެ މަގުން ރާއްޖެ އައި ޕާކިސްތާނު މީހެއްގެ ލަގެޖުން މަސްތުވާތަކެތި އަތުލައިގެންފި ކަމަށާއި މިތަކެތި ކަސްޓަމްސް އިން އަތުލައިގަނެފައިވަނީ މި އޮކްޓޫބަރ މަހުގެ 7ވަނަ ދުވަހު ޕާކިސްތާނުން އައި، އުމުރުން 20ްަ އަހަރުގެ އަންހެނެއްގެ ލަގެޖުގައި މަސްތުވާ ތަކެތި ހުރި ކަމަށް ޝައްކު ކުރެވިގެން ބެލި ބެލުމުން ކަމަށެވެ.

މީގެ އިތުރުން ކަސްޓަމްސް އިން ބުނެފައިވަނީ އެފަސިންޖަރުގެ ދަބަހުގައި މަސްތުވާ ތަކެތި ހުރި ކަމަށް ލަފާކުރެވިގެން ބަލައި ފާސްކުރުމުގެ ތެރޭގައި، މަސްތުވާތަކެތި ކަމަށް ޝައްކު ކުރެވޭ ތަކެތި ހުރި ޕެކެޓެއް ފެނިގެން އެތަކެތި މަސްތުވާ ތަކެއްޗަށް ޓެސްޓު ކޮށްފައިވާ ކަމަށެވެ.

Advertisement

އަދި ފުރަތަމަ މަރުޙަލާގެ ޓެސްޓު ތަކުން އެތަކެތި މަސްތުވާ ބާވަތެއް ކަމަށްވާ ހެރޮއިންއަށް ޕޮޒިޓިވް ވެފައިވާ ކަމަށެވެ.

ކަސްޓަމްސް އިން ބުނީ މިމައްސަލައިގައި އަތުލައިގަތް މަސްތުވާ ތަކެތީގެ ބަރުދަނުގައި 4.27 ކިލޯ ހުރި ކަމަށާއި، މިމައްސަލައިގައި އަތުލައިގަތް މަސްތުވާ ތަކެއްޗާއި، އަންހެންމީހާ ފުލުހުންނާއި ހަވާލުކޮށްފައިވާ ކަމަށެވެ.