ފަލަސްޠީންގެ ޣައްޒާއަށް އިޒްރާއިލްގެ ޔަހޫދީން ދެމުންއަންނަ ނުރައްކާތެރި ހަމަލާތަކުގައި ޝަހީދުވެފައިވާ ކުޑަކުދިންގެ ޢަދަދު 614 އަށް އަރައިފި ކަމަށް ފަލަސްޠީނުގެ ސިއްޚީ ވުޒާރާއިން ބުނެފިއެވެ.
ފަލަސްޠީނުގެ ސިއްޚަތާއި ބެހޭ ވުޒާރާއިން ބުނެފައިވަނީ ޝަހީދުވެފައިވާ މީހުންގެ ޢަދަދު 1900 އަށް އަރައިފައިވާ ކަމަށެވެ. އޭގެ ތެރޭގައި 614 ކުޑަކުދިން ހިމެނޭއިރު ޝަހީދުވި އަންހެނުންގެ ޢަދަދު ވަނީ 370 އަށް އަރައިފައެވެ.
ޣައްޒާއަށް ދެމުންދާ ނުރައްކާތެރި ހަމަލާތަކުގެ ސަބަބުން ޒަޚަމްވި މީހުންގެ ޢަދަދު 7696 އަކަށް ވަނީ އަރައިފައެވެ. އޭގެ ތެރޭގައި 2000 ކުޑަކުދިންނާއި 1700 އަންހެނުން ހިމެނެއެވެ.
ބައިނަލްއަޤްވާމީ ޖަމިއްޔާއެއް ކަމަށްވަ ޔުނިސެފުން ވަނީ ފަލަސްޠީން އިޒްރާއިލް ހަނގުރާމައިގައި ޝަހީދުވަމުންދާ ކުޑަކުދިންގެ ޢަދަދުތައް މަތިވަމުންދާތީ ކަންބޮޑުވުން ފާޅު ކޮށްފައެވެ. އަދި ކުޑަކުދިން މެރުން ހުއްޓާލަން ޖެހޭ ކަމަށް ޔުނިސެފުން ވަނީ ބުނެފައެވެ.
މިމަހުގެ 7ވަނައަށް ވީ ދުވަހު ފެށުނު ހަނގުރާމައިގެ ސަބަބުން އެތައް ބަޔަކު ޝަހީދު ވެފައިވާއިރު އެތައް ބަޔަކު ވަނީ ގެދޮރު ގެއްލިފައެވެ. އަދި އެތައް ކުޑަކުއްޖަކު ޔަތީމު ވެފައިވެއެވެ.
Advertisement
This content is created and paid for by advertisers and does not involve Voice Journalists
