ފަލަސްޠީންގެ ޣައްޒާއަށް އިޒްރާއިލުން ދެމުންދާ ހަމަލާތަކުގައި ޣައްޒާގެ 11 މިސްކިތެއް ހަލާކުވެފައިވާ ކަމަށް ފަލަސްޠީނުން މަޢުލޫމާތު ދެއްވި ވޮއިސްގެ މުރާސިލް ވިދާޅުވެއްޖެއެވެ.

ޣައްޒާއަށް އިޒްރާއިލްގެ ޔަހޫދީން ދެމުން އަންނަ ހަމަލާތަކުގެ ސަބަބުން މިމަހުގެ 12 ވަނަ ދުވަހާއި ޣައްޒާގައި ތަޢުލީމު ދިނުމަށް ބޭނުންކުރާ 90 ޢިމާރާތެއް އެއްކޮށް ހަލާކުވެފައިވާ ކަމަށާއި، އޭގެ ތެރޭގައި ޔޫ.އެން.އާރް.ޑަބްލިޔު.އޭ ގެ 6 ސްކޫލެއް ހިމެނޭ ކަމަށާއި އޭގެ ތެރެއިން 2 ސްކޫލެއް ޣައްޒާގެ ރައްޔިތުން ބޭނުން ކުރަމުން ދިޔައީ ވަންނާނެ ތަނެއްނެތި ގެދޫކުރަން ޖެހުނު ޣައްޒާގެ ރައްޔިތުންގެ ވަގުތީ ހިޔާގެ ގޮތުގައި ކަމަށާއި، އަދި ފަލަސްޠީނުގެ 70 އޮތޯރިޓީއަކުންވެސް އޭގެ ބައެއް ސްކޫލްތައް ބޭނުންކުރަމުން ދިޔަ ކަމަށް ވޮއިސްގެ މުރާސިލް ވިދާޅުވިއެވެ.

މީގެ އިތުރުން ޣައްޒާގެ 11 މިސްކިތަކަށް އަމާޒުކޮށް ހަމަލާދީ 11 މިސްކިތެއް ވަނީ ހަލާކުކޮށްލައިފައި ކަމަށާއި ބައެއް ފައްޅިތަކަށްވެސް ހަމަލާދީފައިވާ ކަމަށް ބުނެފައިވެއެވެ.

Advertisement

މީގެއިތުން އިޒްރާއިލްގެ ޔަހޫދީން ޣައްޒާއަށް ދިން ހަމަލާތައް ފެނާއި ނަރުދަމާގެ ނިޒާމަށްވެސް އަރައިފައިވާ ކަމަށާއި ހަނގުރާމަ ފެށުނު ފަހުން ޣައްޒާގެ 6 ފެން ވަޅަކާއި، 3 ފެން ޕަމްޕު ސްޓޭޝަކަށް، ފެން ފޯރުކޮށްދޭ އެއް ފެންގަޑަކާއި އަދި 1،100،000 ބަޔަކަށް ފެން ފޯރުކޮށްދޭ ފެން ސާފު ކޮށްދޭ ޕްލާންޓަކަށް ވަނީ އަރައިފައެވެ.

އޮކްޓޫބަރު 11 ވަނަ ދުވަހުން ފެށިގެން ޣައްޒާގެ ކަރަންޓު ކަނޑާލުމާއި ކަރަންޓު އުފައްދާ ޖަނެރޭޓަރު ތަކަށް އަޅާ ތެލުގެ ސަޕްލައި ކަނޑާލުމުގެ ސަބަބުން ޣައްޒާ ވަނީ ކަނު އަނދިރި ކަމެއްގެ ތެރޭގައި ކަމަށް ޣައްޒާގެ ޕަވަރ ޕްލާންޓްގެ އޮފިޝަލުން ވިދާޅުވެފައިވާ ކަމަށް ޣައްޒާއިން މަޢުލޫމާތު ދެއްވި ވޮއިސްގެ މުރާސިލް ވިދާޅުވިއެވެ.

ކަރަންޓު ކެނޑުމުގެ ސަބަބުން ޣާއްޒާގެ ނަރުދަމާގެ ނިޒާމުގެ މަސައްކަތް ކުރާ 65 ޕްލާންޓްގެ ތެރެއިން 53 ޕްލާންޓްގެ މަސައްކަތް ހުއްޓިފައިވުމުގެ ސަބަބުން ނުތާހިރު ފެނުން މަގުތައް ޚަރާބުވެ ބަލިމަޑު ކަމެއް ފެތުރި ސިއްޚީ ނުރައްކާތެރިކަމެއް އަތުވެދާނެ ކަމުގެ ބިރުވެސް އޮތީ ފެތުރިފައެވެ.

ޣައްޒާއަށް ދެމުންދާ ހަމަލާތަކުގައި ޒަޚަމްވަމުންދާ މީހުންނަށް ފަރުވާ ދިނުމަށް ބޭނުން ކުރަމުންދާ 13 ހޮސްޕިޓަލެއް ފުރިބާރުވެފައިވާ އިރު އެހޮސްޕިޓަލްތަކުގެ ސިސްޓަމްތައްވެސް ބަރޯސާވެފައިވަނީ ޖަނެރޭޓަރުތަކުން ދޫކުރަމުންދާ ކަރަންޓަށެވެ. އަދި މިވަގުތު އެހޮސްޕިޓަލްތައް ވެސް އޮތީ ޖަނެރޭޓަރުތަކަށް ބޭނުންކުރާ ތެޔޮ ހުސްވެ ކަރަންޓަށާއި ތެލަށް ޖެހުމުގެ ނުރައްކާތެރި ފައްތަރެއް ގައެވެ.

މިވަގުތައް ޣައްޒާދެކެމުން ދަނީ ބިރުވެރި އަދި ދަތި ޙާލަތްތަކެކެވެ. ރައްކާތެރިކަން ހޯދަން އެއްތަނުން އަނެއްތަނަށް ދަތުރުކުރަމުންދާ މީހުންނަށް މަގުމަތިންވެސް ދަނީ ޙަމަލާތައްދެމުންނެވެ. ހަމަލާތަކުގެ ސަބަބުން ޣައްޒާގެ އުތުރުގެ ހޮސްޕިޓަލްތައް ފުރި ބާރުވެފައިވާއިރު އިޒްރާއިލްގެ ޔަހޫދީން ވަނީ އެތަންތައް ހުސްކުރުމަށްވެސް އަންގައިފައެވެ.