ފަލަސްޠީންގެ ޣައްޒާއިން އިންސާނީ ކާރިޘާއެއްގެ ކޮޅުމަތި ފެންނަން ފަށައިފިކަމަށް ޣައްޒާއިން "ވޮއިސް" އަށް މަޢުލޫމަތު ދެއްވި މުރާސިލް މުޙައްމަދު އަބޫ ޔޫސުފް ވިދާޅުވެއްޖެއެވެ.
"ވޮއިސް" އަށް ދެއްވި ބަސްދީގަތުމެއްގައި މުޙައްމަދު ވިދާޅުވީ ޢައްޒާގެ ޙާލަތު ވަރަށް ނުރައްކާތެރި ދަރަޖައަކަށް ވެއްޓިފައިވާ ކަމަށެވެ.
"މިޙާލަތު ޚިޔާލަށްވެސް ނުގެނެވޭހާވެސް ނުރައްކާތެރި، ޣައްޒާއިން އިންސާނީ ކާރިޘާއެއްގެ ކޮޅުމަތި ދަނީ ފެންނަމުން" މުޙައްމަދު އަބޫ ޔޫސުފް ވިދާޅުވިއެވެ.
މީގެ އިތުރުން އޭނާ ވިދާޅުވީ 420،000 އަށްވުރެ ގިނަ މީހުން އެހިދޭ ސެންޓަރުތަކަށް އެހީތެރިކަމަށް އެދި ގޮސްފައިވާ ކަމަށާއި، ނަމަވެސް އެހީގެ ގޮތުގައި ފޯރުކޮށްދޭނެ ތަކެތި ހުސްވެ ފޯރުކޮށްދޭނެ އެއްޗެއް ނެތިފައިވާ ކަމަށެވެ.
މުޙައްމަދު އިތުރަށް ވިދާޅުވީ ވަރަށް އަވަހަށް މިޙާލަތުން މީހުން ސަލާމަތް ކުރެވޭނެ އަމާން ގޮތެއް ނުފެނިއްޖެނަމަ ޙާލަތު މިއަށްވުރެވެސް ނުރައްކާތެރިވެދާނެ ކަމަށެވެ.
ޣައްޒާއަސް ދޫކުރަމުންދިޔަ ކަރަންޓާއި ފެންފަދަ ޒަރޫރީ ޚިދްމަތްތައް ކަނޑާލުމުގެ ސަބަބުން އެތައް މައްސަލަތަކެއް ދަނީ މިހާރު ދަނީ ކުރިމަތިވަމުންނެވެ.
Advertisement
This content is created and paid for by advertisers and does not involve Voice Journalists
