އައިޖީއެމްއެޗްގެ ދެ ސެންޓަރަކަށް ހިދުމަތް ފޯރުކޮށްދޭ ކުންފުންޏަކަށް ދައްކަން ޖެހޭ 5.3 މިލިއަން ޑޮލަރު އެ ކުންފުންޏަށްް ނުދައްކާ އެބަ އޮތް ކަމަށާއި ސަރުކާރުން މި އަހަރު އެ ހޮސްޕިޓަލަށް ކަނޑައަޅާފައިވާ ބަޖެޓްގެ ތެރެއިން މަސައްކަތްތައް ކުރުމަށް ފައިސާއެއް ނެތް ކަމަށް ކަމުގައި އިންތިހާބީ ރައީސްގެ އޮފީހުން ހާމަކޮށްފިއެވެ.
މިއަދު އިންތިހާބީ ރައީސްގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި އިންތިގާލީ މުއްދަތުގެ ތަރުޖަމާނު މުހައްމަދު ފިރުޒުލް ވިދާޅުވީ އައިޖީއެމްއެޗް ތެރޭގައިި ގާއިމްކޮށްފައިވަ ހާއްސަ ފަރުވާދޭ ބައެއް ސެންޓަރުތަކަށް ބައެއް ފަހަރު ބޭރުގެ އެކި ހޮސްޕިޓަލްތަކުންނާއި ކުންފުނިތަކުން ހިދުމަތް ފޯރުކޮށްދެމުން ގެންދާ ކަމަށެވެ.
އޭގެ ތެރޭގައި ހިތުގެ ބަލީގެ ސެންޓަރާއި ނާރުގެ ސެންޓަރާއި ގުޅޭގޮތުން ފާހަގަކުރެވިފައިވާ ކަމަކީ އެ ދެ ސެންޓަރަށް ހިދުމަތް ފޯރުކޮށްދެމުންދާ ކުންފުންޏަށް ބިލްގެ ގޮތުގައި ނުދައްކާ 5.3 މިލިއަން ޑޮލަރު ހުރި ކަން ކަމުގައި ވިދާޅުވެ ފިރުޒުލް ވަނީ، އޭގެ ތެރޭގައި މައިގަނޑު ގޮތެއްގައި ހިމެނެނީ އެ ކުންފުނިތަކުން ސެންޓަރުތައް ފޯރުކޮށްދެމުންދާ އެކި އެކި ސާމާނުތަކާއި ގުޅޭ ބިލްތައް ކަމުގައި ވިދާޅުވެފައެވެ.
މިގޮތުން ހިތުގެ ފަރުވާއަށް ބޭނުންވާ ސްޓަންޓް، ބެލޫން، އެންޖީއޯ ގްރާމް ހެދުމަށް ބޭނުންކުރާ އެކި ކަހަލަ ސާމާނު ހިމެނެ އިރު މި ބިލްތައް ނުދައް ހުރުމުގެ ސަބަބުން ސެންޓަރުތަކުގެ ހިދުމަތް ހުއްޓުމަކަށް އައުމަކީ އެކަށީގެންވާ ކަމެއް ކަމަށްވެސް އިންތިހާބީ މުއްދަތުގެ ތަރުޖަމާނު ވަނީ ވިދާޅުވެފައެވެ.
އައިޖީއެމްއެޗްއަށް މި އަހަރަށް ސަރުކާރުން ކަނޑައަޅާފައިވާ ބަޖެޓްގެ ތެރެއިން އަހަރުގެ ބާކީ އޮތް މުއްދަތަށް ފައިސާ ހަމަޖެހިފައިވަނީ މުވައްޒަފުންގެ މުސާރައަށް ބޭނުންވާ މިންވަރަށް އެކަނި އެހެނިކަން ކަންކަން، މިސާލަކަށް ތަނުގެ މަރާމާތާއި މެޝިނަރީގެ މަރާމާތާއި ގުޅޭ ވަރަށް ގިނަ ކަންކަން ވެސް ބަޖެޓްގައި ފައިސާ ނެތުމުގެ ސަބަބުން ހުއްޓުމަކަށް އައިސްފައިވާކަން ފާހަގަކޮށްފައިވޭ. މިއީ ވަރަށް ކަންބޮޑުވާ ކަމެއް.
ފިރުޒުލް
މީގެ އިތުރުންވެސް ފިރުޒުލް ވިދާޅުވީ، ހެލްތް މިިނިސްޓްރީގެ ތެރެއިން ހޮސްޕިޓަލްގައި ހިދުމަތްތައް ފޯރުކޮށްދިނުމާއި ގުޅޭގޮތުން ސާވިސް ޗާޓަރެއް ކަނޑައެޅިފައި އޮންނަ ކަމަށެވެ. އެ ސާވިސް ޗާޓަރުގެ ތެރެއިން ހާސިލް ކުރަން ބޭނުންވާ ކަމެއްގެ ގޮތުގައި އެ ބޭފުޅުން ކަނޑައަޅާފައި އޮންނަނީ ހިދުމަތުގެ ފެންވަރު ވަކި މިންގަނޑެއްގައި ހިފަހައްޓައިގެން ގެންދިއުމާއި، ރާއްޖޭގެ އެކި ކަންކޮޅުތަކުގައި އެއްހަމައަކުން އެއް އުސޫލަކުން ހިދުމަތްތައް ފޯރުކޮށްދެމުން ގެންދިއުން ކަމަށް ފިރުޒުލް ފާހަގަކުރެއްވިއެވެ.
އެހެން ނަމަވެސް މި މޮޑެލް ބޭނުން ކުރުމުގެ ތެރޭގައި ހެލްތް މިނިސްޓްރީގެ ދައުރު ހޮސްޕިޓަލުތައް ހިންގުމުގައި ނުހިމެނުމުގެ ނަތީޖާއެއްގެ ގޮތުން އެތަންތަން ފޯރުކޮށްދޭ ހިދުމަތުގެ ފެންވަރުގައި ވަރަށް ބޮޑެތި މައްސަލަތައް ކުރިމަތި ވެފައިވާ ކަމަށާއި އެތަންތަނުން އެއް ހަމައަކުން ފޯރުކޮށްދޭންޖެހޭ ހިދުމަތްތަކުގައި ބޮޑެތި ފަރަގުތަކެއް ހުރިކަމުގައިވެސް ފިރުޒުލް ވަނީ ވިދާޅުވެފައެވެ.
މި ހިދުމަތްތައް މި ގޮތަށް ބައްޓަންވުމުގެ ސަބަބުން ގާނޫނީ ގޮތުން މައްސަލަތަކެއް ކުރިމަތިވަމުންދާކަމަށް ވިދާޅުވިއެވެ. ރާއްޖޭގެ ސިއްހީ ގާނޫނު ބުނާގޮތުން ހޮސްޕިޓަލުތަކުން ފޯރުކޮށްދޭ ހިދުމަތްތަކަށް ޖަވާބުދާރީ ވާންޖެހޭ ފަރާތަކީ ހެލްތް މިނިސްޓަރު ކަމަށާއި ނަމަވެސް ހެލްތް މިނިސްޓްރީގެ ބޭރުން ހޮސްޕިޓަލްތަކުގެ މަސައްކަތްތައް ކުރިއަށްދާތީ ޖަބާވު ދާރީވުމަށް ދަތިތަކެއް ކުރިމަތިވަމުންދާނެ ކަމަށް ފިރުޒުލް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
