ފަލަސްޠީނުގައި ހުރި އިންޓަނޭޝަނަލް އެއިޑް ކެންޕެއިންގެ ގުދަނަކަށް ހައްދުފަހަނަޅައަޅާފައިވާ އިސްރާއީލްގެ ސިފައިން ހަމަލާދީފައެވެ.
އައިއޭސީން ދާދި ދެންމެ އަކު މީޑިއާތަކަށް މައުލޫމާތު ދެމުން ބުނީ، ފަލަސްތީނުގައި ހުރި އައިއޭސީގެ ގުދަން ތަކުގެ ތެރެއިން ގުދަނަކަށް ސީދާ އަމާޒުކޮށްގެން އިސްރާއީލްގެ ސިފައިން މިއަދު ހަމަލާއެއް ދީފައިވާ ކަމަށާ، ހަމަލާގެ ސަބަބުން އެ ގުދަނުގައި ރައްކާ ކޮށްފައިހުރި އެހީގެ ތަކެތިތަކެއް ހަލާވެފައިވާ ކަމަށެވެ.
އެގޮތުން އެ ހަމަލާގެ ސަބަބުން، އެހީގެ ގޮތުގައި ދިނުމަށް ތައްޔާރު ކޮށްފައިވާ 2000 ބްލޭންކެޓް/ރަޖާ އާއި، 1000 ވަގުތުން ކެވޭގޮތަށް ތައްޔާރު ކުރެވިފައިވާ ކާނާ ޕެކާއި، 3000 އަންނައުނު ޕެކް އެއްކޮށް ހަލާކުވެފައިވާ ކަމަށް އައިއޭސީން މައުލޫމާތު ދެއެވެ.
މިތަކެތީގެ އިތުރުން، އެ ސަރަހައްދަށް ދިން ހަމަލާއެއްގައި އައިއޭސީގެ އޮފިޝަލުން ތަކެތި އުފުލުމަށް ބޭނުން ކުރަމުންދާ ކާރަށްވެސް ގެއްލުންވެފައިވާ ކަމަށާ، އަދި އެ ޖަމިއްޔާގެ ބައެއް އޮފިޝަލުންނަވެސް ކުދި ޒަޚަމްތައް ލިބިފައިވާކަމަށް ބުނެފައިވެއެވެ.
ހަމަލާގެ ސަބަބުން ގެއްލުންވި ކާރެއް
ނަމަވެސް، މާތް الله ގެ ރަހުމަތުން އެއްވެސް މީހެއްގެ ފުރާނައަށް ގެއްލުންވާ ފަދަ އަނިޔާއެއް ނުވާ ކަމަށް އެ ޖަމިއްޔާ އިން މައުލޫމާތު ދެއެވެ.
މީގެ އިތުރުން އައިއޭސީން ބުނީ، ހަލާކުވެފައިވަނީ އެ ޖަމިއްޔާގެ ގުދަން ތަކުގެ ތެރެއިން އެއް ގުދަން ކަމަށާ، އަދި ދިވެހީންގެ އެހީގެ ދީފައިވާ ހުރިހާ ތަކެތި ހަލާކު ނުވާ ކަމަށެވެ.
Advertisement
This content is created and paid for by advertisers and does not involve Voice Journalists
